Në mbyllje të sezonit televiziv të emisionit "Rreze Dielli" stafi realizues i këtij programi solli një atmosferë ndryshe në kuzhinën e zonjës Tefta.

Të gjithë të organizuar kishin menduar diçka të veçantë që do të përbënin një pjatë të vetme.

kushina

Receta të veçanta u servirën nga gazetaret e emisionin "Rreze Dielli", Matilda Zaimi dhe Xhulia Karavella, operatorët Xheni Bilali dhe Antuan Leci duke i gatuar brenda minutave televizive si një surprizë për prezantuesen Eneida dhe Zonjën Tefta.

Ndihma e zonjës Tefta shërbeu për të orientuar të gjithë recetat e gatuara dhe sigurisht nën prezantimin e Eneida Xhelili.
 
kushina


Operatorët Ani dhe Xheni kishin menduar që të përgatisnin qofte, patate të skuqura, fileto pule dhe sallatë me spinaq e arra moskat.

Ndërsa gazetaret Matilda dhe Xhulia u kujdesën për estetikën e pjatës duke i shtuar asaj salcën me panxhar të kuq si dhe një ëmbëlsirë me pjeshkë dhe mango.

Në kuzhinën e zonjës Tefta u shërbyen receta të shpejta dhe të thjeshta për t`i ndihmuar të gjitha amvisat që të gatuanin së bashku me stafin e "Rreze Dielli".

Në një atmosferë gazmore ku gjithsecili përgatiti recetën e tij u finalizua një pjatë e madhe me të gjitha produktet e shëndetshme duke u kujdesur dhe për estetikën.

kushina

Përgatitja e Salcës me Panxhar të kuq:
Ziejmë panxharët e kuq dhe i grijmë në mikser. I shtojmë vaj ulliri dhe një hurdhër të grirë hollë. Më pas marrim salcën e kosit dhe i hedhim arra të ngrira. Salcës së kosit i shtojmë dhe panxharin e kuq të grirë. Të gjitha bashkë i përziejmë dhe përftojmë masën e salcën që do të na shërbejë për tek pjata e madhe.
 
kushina

Përgatitja e Ëmbëlsirës me Mango dhe Pjeshkë
Grijmë në mikser mangon dhe presim në kubik frutin e pjeshkës. Shtrojmë në një gotë masën e përftuar të mangos dhe i hedhim pjeshkën e prerë në kubik.

Më pas në një enë hedhim pana të ëmbël dhe e përziejmë në mikser. E shtrojmë më pas në gotë dhe për dekor vendosim dhe pak feta të holla mango dhe pjeshkë.

kushina 

Recetat e Salcës me Panxhar të kuq

Panxhar i kuq

Vaj ulliri

Arra

Hurdhër

Salc kosi

Krip

kushina

Receta Ëmbëlsirës me Mango dhe Pjeshkë

Mango

Pjeshkë

Pana të ëmbël
 
kushina

Receta e Qofteve me Patate të skuqura e Fileto pule

Mish i grirë

Erëza

Miell

Patate

Fileto pule
 

Receta Sinaq me Arrë moskat

Spinaq

Arrë moskat

Piper

Vaj Ulliri
 
kushina

Në mbyllje të këtij sezoni i gjithë stafi i emisionit "Rreze Dielli" falenderon shikuesit për ndjekjen e vazhdueshme të emisonit të mëngjesit në A1 Report dhe premton një sezon të ri të mbushur me rubrika të reja të sjella me profesionalizmin e duhur në informacion argëtim, dhe në ndihmë të teleshikuesve. Redaksia Online (m.z/shqiptarja.com)

kushina