POP 5

Lajmet më të lexuara të 5 minutave të fundit

Sport

Starova analizon derbin: Diferencë në klasifikim, jo në kualitet

Në stadiumin “Selman Stërmasi” Partizani dhe Tirana do të luajnë sonte derbin e dytë për këtë sezon. Një sfidë që i gjen skuadrat me problematika të ndryshme, të cilat sipas Sulejman Starovës nuk do të jenë faktor për rezultatin e takimit.

Mbrëmja e sotme në kryeqytet nuk do të jetë e zakonshme pasi në “Selman Stërmasi” do të luhet derbi mes Partizanit dhe Tiranës. Një ndeshje e shumëpritur ku dy skuadrat vijnë jo pa probleme, pavarësisht se Partizani renditet në vendin e parë. Tirana ndërkohë ka nevojë urgjente për pikë pasi rrezikon të zbresë në dy vendet e fundit që bien nga kategoria. Gjithsesi për një legjendë të ‘kuqe’ si Sulejman Starova, i cili ka qenë trajner i të dy skuadrave, këto detaje janë të parëndësishme në një ndeshje të tillë.

Derbi ka treguar që këto pozita të ndryshme nuk kanë ndikuar në rezultat. Kjo e bën edhe më interesante takimin sepse diferencat në klasifikim janë shumë të mëdha, por ndryshe qëndron situata sa I përket kualitetit të lojtarëve.

Sulejman Starova, ish-trajner i dy ekipeve

 

Ndërkohë trajneri i Tiranës, Ardian Mema, shpreson që këtë herë protagonistës kryesorë të mos jenë tifozët, por lojtarët në fushën e lojës.

Që kur kam lënë futbollin, tifozët kanë dhënë spektakël dhe ne nuk e kemi shijuar. Më shumë ka pasur spektakël në shkallë. Ata kanë luajtur më mirë se lojtarët, shpresojmë që spektakli të jetë në fushë.

Ardian Mema, trajner i Tiranës

Tirana nuk njeh fitore ndaj Partizanit që prej 14 ndeshjesh, ndërkohë që derbi I parë I këtij sezoni përfundoi 0-1 në favor të Partizanit.

 

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Shkodër/ Në kërkim për armëmbajtje pa leje, arrestohet 28-vjeçari

Shkodër/ Në kërkim për armëmbajtje pa leje, arrestohet 28-vjeçari

24 Nëntor, 10:00