POP 5

Lajmet më të lexuara të 5 minutave të fundit

Sport

Starova dhe Shakohoxha kundërshtarët e Dukës, zyrtarizohen kandidaturat për zgjedhjet në FSHF! Surprizat e Tiranës dhe Partizanit, propozojnë për Komitet Ekzekutiv dy gazetarët e njohur

FSHF ka zyrtarizuar sot emrat e kandidatëve të cilët sipas Komisionit të verifikimit, kanë marrë numrin e duhur të propozimeve për postin e presidentit të këtij institucioni dhe Komitetit Ekzekutiv për zgjedhjet e 3 marsit.

Starova dhe Shakohoxha kundërshtarët e Dukës, zyrtarizohen kandidaturat për zgjedhjet në FSHF! Surprizat e Tiranës dhe Partizanit, propozojnë për Komitet Ekzekutiv dy gazetarët e njohur

Federata Shqiptare e Futbollit ka zyrtarizuar kandidatët për presidentin e ri të federatës. FSHF zhvilloi sot mbledhjen e Komisionit të Verifikimit dhe siç ishte përfolur më parë u miratuan tre kandidaturat Armand Duka, komentatori Dritan Shakohoxha dhe ish-sekretari i përgjithshëm i federatës Sulejman Starova.

Ndërkohë janë propozuar edhe 12 anëtarët e Komitetit Ekzekutiv, ku ndër to spikatën emrat e dy gazetarëve sportiv, Pano Xhixha dhe Anila Basha. Mësohet se dy gazetarët janë propozuar nga dy klubet kryesore të kryeqytetit Tirana dhe Partizani.

"U zhvillua ditën e sotme mbledhja e Komisionit të Verifikimit, që kishte në axhendë verifikimin e ligjshmërisë së propozimeve dhe integritetin e kandidatëve të propozuar për President dhe anëtar të Komitetit Ekzekutiv të Federatës Shqiptare të Futbollit. Në përfundim të mbledhjes, që erdhi një ditë pas përfundimit të afatit për depozitimin e kandidaturave për postin e Presidentit të FSHF-së dhe anëtarëve të Komitetit Ekzekutiv, pasi u shqyrtuan propozimet e sjella nga anëtarët, rezultoi se për postin e kandidatit për President të Federatës Shqiptare të Futbollit kanë marrë numrin e propozimeve të nevojshëm personat: Armand Duka, Dritan Shakohoxha, Sulejman Starova. Kandidatët për anëtar të Komitet Ekzekutiv  të FSHF janë 12, të cilët kanë marrë numrin e nevojshëm të propozimeve për të qenë zyrtarisht në garë, së paku 2 propozime, janë personat: Abdyl Kuriu, Anila Basha, Arben Dervishaj, Fatbardh Jera, Envi Hicka, Ermal Tahiri, Ervin Canollari, Gjergji Petro, Lutfi Nuriu, Pano Xhixho,Vasil Bicaj, Ylli Ҫekiҫi. Komisioni i Verifikimit është organi përgjegjës për organizimin dhe mbikëqyrjen e procesit zgjedhor në përputhje me Rregulloren e Asamblesë së FSHF-së dhe kryerjen e kontrollit të integritetit, i miratuar në Asamblenë e Përgjithshme të FSHF-së.", thuhet në njoftimin e FSHF

Të mërkurën, përkundër statutit, FSHF mbylli përmes një procesi manipulativ zgjedhjet në 8 shoqatat rajonale të futbollit që kanë gati 50% të votave në asamblenë e 2 marsit. Në gjykatë për manipulimet e federatës janë edhe shoqatat e Durrësit, Gjirokastrës dhe Shkodrës, ndërsa edhe Fieri e Korça kanë patur kundërshti të forta.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Lufta/ Sulm masiv me raketa në Kharkiv! Zelensky: 2025 bëhet viti i paqes për Ukrainën

Lufta/ Sulm masiv me raketa në Kharkiv! Zelensky: 2025 bëhet viti i paqes për Ukrainën

25 Dhjetor, 08:15