Duke nisur që nga dita e sotme dhe deri më 25 prill dhe më pas më 2 deri më 4 Maj, nis zhvillimet Festivali Mbarëkombëtar i Zërave të rinj. Ky festival që mbahet në emër të “Muzës” së parë vokale, sopranos Jorgjia Truja,e çel siparin me këngëtarët amatorë nga 5-25 vjeç, për të vijuar nga datat 2-4 maj me këngëtarët e moshës 15-25 vjeç që studiojnë në shkollat e universitetet muzikore. I organizuar nga Liceu Artistik “Jordan Misja” në bashkëpunim me degën e muzikës në Universitetin e Arteve, festivali iu jep talenteve pjesëmarrës, si dhe pedagogëve të tyre, mundësinë të promovojnë arritjet vokale përpara një jurie profesionistësh të kryesuar nga kompozitori Vasil s. Tole, por edhe për të perfeksionuar kërkesat e së ardhmes.
Kështu që sot dhe nesër, më 23 dhe 24 prill, në Qendrën Multifunksionale TEN të Bashkisë së Tiranës, do të jetë takimi i parë i të gjithë pjesëmarrësve amatorë të muzikës, të grupuar sipas moshës në 4 kategori, që përbëhet përveç kryetarit, dhe nga këngëtarja e njohur Eranda Libohova, si dhe nga drejtori i artistik i Akademisë së Veronës, Itali, Paolo Fancinkani, ku të gjithë talentet pjesëmarrëse do të vlerësohen me çmimet I, II, III, IV-“Jorgjia Truja”.
“Koncerti i Finalistëve”, ku do të marrin pjesë vetëm Çmimet e para, do të zhvillohet në sallën e re të kompozitorit tonë “Tonin Harapi” në Liceun Artistik “Jordan Misja” më 25 Prill, ora 18.00., pohon Takuina Truja Adami,Drejtoresha e Projektit. Sipas Takuina Adamit: “në këtë koncert juria do të përcaktoje arritjet e 3 këngëtareve më të spikatur për ti vlerësuar me çmime në emër të figurave që hodhën themelet e muzikës së lehtë vokale si Luçije Miloti, Pavlina Nika dhe Luan Zhegu(emra këta që nderohen çdo vit) që të rinjtë të njohin plejadën e artistëve të trashëgimisë sonë”.
Adami pohon se më 2 Maj ora 10.30, në Liceun Artistik do të debutojnë nxënësit dhe më 3 maj në Universitetin e Arteve studentët e këngëtarët e rinj deri 25 vjeç, duke u paraqitur me një program më të plotë përpara jurisë, që përmban figura të artit lirik si sopranoja Prof. Suzana Frasheri, sopranoja e karrierës ndërkombëtare Anna Porozzi, Itali, por dhe sopranoja e TKOB-it, Simona Karafli në takimin e parë, Fituese e Çmimit I “Jorgjia Truja” në 2005-n. Me të njëjtën strukturë organizimi do të mbahet edhe Koncerti i Finalisteve më 4 Maj, në sallën 'Tonin Harapi” të Liceut, ku do të do të përcaktojë fituesit e çmimeve që fillojnë me kompozitorin Simon Gjoni; autor i shumë këngëve dhe Romancave të bukura vokale, si dhe për çmime në emër të artistëve të njohur; Dhimitra Keta, Irena Gjergo, Hysen Pelinku, Gjinovefa Heba. Do të ketë edhe Lirika italiane, që përbejnë bazën e pedagogjisë vokale. Adami pohon se me fituesit e Çmimeve janë programuar dhe dy koncerte me pas, në Durrës dhe në Shkodër.
Ky Festival i ideuar nga Zëvendësdrejtoresha e Liceut Artistik Klodi Zheji, përbën vazhdimësinë e Konkursit me të njëjtin emër qe u realizua gjatë 2005-2010-s, i ideuar nga dirigjentja e korit Suzana Turku dhe dekani i Fakultetit Muzikës Triposto e kompozitori Isak Shehu, që vazhdon të promovojë talente që kontribuojnë brenda e jashtë vendit.
“Një vlerë të veçantë kanë dhënë Masteclasset e zhvilluara si në vend ashtu dhe jashtë për talente, ku sot evidencohen si solistë të teatrove brenda dhe jashtë vendit si: Emiliana Pallushaj, Blerta Zhegu, Adela Hajredini, Lira Milla, Armando Lika, Rame Lahja,Linda Kazani, Nina Muho, Alesja Merepeza e Granit Kamberi dhe nga edicioni i kaluar, Estelina Sylsa dhe Artur Vera presin të hyjnë ne audicionin mjeshtrit Placido Domingo në shtator të këtij viti në SHBA.”, rrëfen Takuina Adami, duke shprehur mirënjohjen e saj me për të paharruarat masterclase të dhëna ne Tirane nga Aleksander Masena, Drejtor i Akademisë se Operës Hollandë; Valerio Paperit, drejtor i Konkursit të Zërave Lirikë në Rome; të mezzos amerikane Barbara Person; të sopranos Paola Reali, por dhe masterclaset e artisteve tanë Josif Gjipali, Inva Mula e Linda Kazani,si dhe Workshopet me pjesëmarrësit e jurinë.
Lajme të tjera
-
Lulja e kuqe e Krishtlindjeve, si të kujdeseni për ta pasur sa më gjatë në shtëpi
25 Dhjetor, 08:34 -
Krishtlindja/ Mbahet mesha në katedralen ortodokse 'Ngjallja e Krishtit' në Tiranë
25 Dhjetor, 08:33 -
Kurbin/ Humb kontrollin e mjetit dhe del nga rruga, ndërron jetë 65- vjeçari
25 Dhjetor, 08:23 -
Lufta/ Sulm masiv me raketa në Kharkiv! Zelensky: 2025 të bëhet viti i paqes për Ukrainën
25 Dhjetor, 08:15 -
Krishtlindja, Kartolina e krerëve të shtetit dhe politikës për besimtarët katolikë! Begaj: Të reflektojmë mbi vlerat më të larta të njerëzimit
25 Dhjetor, 08:09 -
10 kuriozitete rreth Krishtlindjes të zgjedhura nga National Geographic
25 Dhjetor, 07:58 -
Sot sondazhi i fundvitit në Report Tv/ Si ndahen mandatet në 5 qarqet më të rëndësishme! Çfarë mendojnë shqiptarët për mbylljen e TikTok-ut
25 Dhjetor, 07:51 -
Historia e kremtimit të Krishtlindjeve
25 Dhjetor, 07:45 -
Papët dhe jubilejtë: hapja e Derës Shenjte në histori
25 Dhjetor, 07:31 -
Kjo Krishtlindje është ftesë për të përjetuar magjinë... Çfarë thonë yjet për ju sot
25 Dhjetor, 07:26 -
Krishtlindjet/ Shqiptarët për Report Tv: Gëzuar, mbarësi e harmoni për të gjithë
24 Dhjetor, 23:29 -
Kremtohet Krishtlindja! Mesha në katedralen 'Shën Pali' dhe 'Ngjallja e Krishtit'! Imzot Dodaj: Të edukojmë të rinjtë, janë shpërqëndruar nga gjërat e kota
24 Dhjetor, 23:23
