Statuja e Adem Jasharit ngrihet
në Tiranë, Jahjaga-Thaçi në ceremoni
Statuja e heroit legjendar, të luftës së Kosovës është vendosur sot në hyrje të bllokut të ambasadave në rrugën e “Durrësit”.Berisha: pas Skënderbeut, është flamurmbajtësi më dinjitoz, më trim, më burrëror i këtij flamuri.
TIRANE- Statuja e heroit legjendar, të luftës së Kosovës, Adem Jashari është vendosur sot në hyrje të bllokut të ambasadave në rrugën e “Durrësit”, në Tiranë. Presidentja e Republikës Atifete Jahjaga, kryeministri Hashim Thaçi, Rifat Jashari, anëtar i familjes Jashari si dhe shumë personalitete të tjera nga Kosova e Maqedonia ishin të pranishëm në ceremoninë e zhvilluar pasditen e sotme.
Në ceremoninë e përurimit kryeministri Berisha vlerësoi lart figurën dhe kontributin e heroit .
"Përulemi me nderimin më të thellë para burrit që shndërroi Prekazin, Drenicën, në Krujën e dytë të shqiptarëve, komandantin legjendar Adem Jashari", tha Berisha.
"Mirënjohja dhe detyrimi ynë ndaj veprës së tij, sot e përjetë, do të njohë vetëm rritje të rëndësishme. Adem Jashari, i derdhur sot në këtë shtatore madhështore nga skulptori i shquar Muntaz Dhrami, ka një fole të përjetshme në zemrën e të gjithë shqiptarëve. Ai do të prehet aty për sa kohë do të jetojë flamuri i tyre legjendar, sepse ai, pas Skënderbeut, është flamurmbajtësi më dinjitoz, më trim, më burrëror i këtij flamuri. Ai u faktoi shqiptarëve dhe botës se heroizmi i këtij kombi nuk ka kufij, se sakrifica e tij për liri dhe dinjitet kombëtar nuk njeh kufij, se është i gatshëm për çdo çmim, për lirinë dhe dinjitetin e tij, të kombit, të vendit të tij”, theksoi Kryeministri.
(Busti i Adem Jasharit në Tiranë) “Sot ne jemi këtu nga të gjitha trojet etnike shqiptare, kemi vendosur lule dhe ndjehemi krenar me ju, komandant, por sot jemi këtu edhe për t’u zotuar solemnisht se të frymëzuar nga vepra jote, nga legjenda jote dhe qindra e mijëra heronjve e martirëve të këtij kombi, do të bëjmë gjithçka që të shndërrojmë përfundimisht në realitet idealin e shenjtë për të cilin t’i bëre sakrificën më sublime, për të cilën shqiptarët gjatë një shekulli ranë për t’u bërë të pavdekshëm në altarin e kombit tonë, për të bërë realitet ëndrrën e bashkimit kombëtar, si ëndrra më e bukur, si ëndrra e vërtetë evropiane e këtij kombi", shtoi më tej Kryeministri Berisha.
Kryeministri Berisha, së bashku me Rifat Jasharin, anëtar i familjes Jashari, kryeministrin e Kosovës, Hashim Thaçi dhe kryetarin e Bashkisë së Tiranës, Lulzim Basha, zbuluan shtatoren e heroit Adem Jashari. Më pas para tij zhvilluan homazhe edhe kryetari i Kuvendit të Kosovës, Jakup Krasniqi, ministri i Forcës së Sigurisë së Kosovës, Agim Çeku, kryetari i Bashkimit Demokratik për Integrim të Maqedonisë, z. Ali Ahmeti, etj.
Shtatorja u realizua nga skulptori Muntaz Dhrami.
(sg/shqiptarja.com)
Sondazhi i ditës:
Si e vlerësoni funksionimin e Gjykatave dhe Prokurorive në qarqe?
-
Mirë
24.5%
-
Keq
61.8%
-
Nuk e di
13.7%
Vota total: 1442
Lajme të tjera
-
OKB: Lufta ka shkaktuar 37 milionë ton mbeturina në Gaza, duhen 14 vite për t’i pastruar
26 Prill, 22:41
-
CRIME STORY: Sabotimi i dytë i 21 janarit, publikohen dokumentet e panjohura të hetimit, krerët e policisë nuk zbatuan urdhrat e ndalimit për gardistët
26 Prill, 22:14
-
Lituania mbështet idenë e dislokimit të armëve bërthamore të NATO-s në Poloni
26 Prill, 21:56
-
Spekulimet se po bëheshin gati për funeralin/ Buckingham Palace: Mbreti Charles do të kthehet së shpejti në detyrë
26 Prill, 21:56
-
Prag sezoni turistik, dezinsektimit do të nisë nga Shkodra! Koçiu: Gati për sezonin! Beci: Në kohën e duhur
26 Prill, 21:53
-
Joe Biden i gatshëm për debat me Donald Trumpin
26 Prill, 21:45
-
‘NATO e ka gjithmonë një sy mbi Ballkanin’/ Ekspertja: Ja kur do të anëtarësohet Kosova në aleancë
26 Prill, 21:24
-
Serbët më zhdukën dhe vranë mamanë! Sigurimi shqiptar më ka ndjekur! Takimet e mia me Ramiz Alinë dhe Nexhmie Hoxhën!
26 Prill, 21:22
-
FNSH dhe policia kontrolle blic në Fushë Krujë, blindohet edhe Vlora (Video)
26 Prill, 21:13
-
Meta jep porositë e fundit para Konventës: Të gjithë si Tedi Blushi! Ashtu bëhet opozitë
26 Prill, 20:59
-
Nga biçikletat e para te makinat e komunizmit, Bajram Peçi rrëfen Shqipërinë e vjetër motorike!
26 Prill, 20:33
-
Burri nga Holanda 613 ditë i infektuar me COVID, iu gjetën mutacione të virusit
26 Prill, 20:16