Statusi, Bregu: Të miratojmë 3
kërkesat e vëna nga Brukseli
Ministrja Bregu thotë se nëse miratojmë heqjen e imunitetit, ndryshimet në ligjin për Gjyka- tën e Lartë dhe reformën parlamentare deri më 20 shtator atëherë rriten shanset për një opinion pozitiv të KE më 10 tetor për statusin e vendit kandidat.
TIRANE - Nuk kanë humbur të gjitha shpresat për të përfituar statusin e vendit kandidat për në BE nga ana e Shqipërisë. Qeveria shqiptare është optimiste, se me miratimin e vetëm tre ligjeve nga ana e Kuvendit të Shqipërisë, ligje që kërkojnë shumicën e cilësuar të Kuvendit, mund të kapen afatet në limitet e fundit në mënyrë që të merret një opinion pozitiv për këtë qëllim. Mes këtyre tre ligjeve është dhe ndërhyrja në Kushtetutë për kufizimin e imunitetit, për të cilin, pavarësisht se palët politike janë dakord që të miratohet, nuk ndajnë të njejtin qëndrim për rrugën e miratimit të këtij ligji.
Kështu, ndryshimi i Kushtetutës për çështjen e kufizimit të Imunitetit nuk do të diskutohet në Parlament sëbashku me propozimet e PS për reformën në drejtësi. Ministrja e integrimit Majlinda Bregu thekson ky është një kusht që duhet të plotësohet. “Detyrimi i klasës politike shqiptare është të votojë kufizimin e Imunitetit sa më shpejt që të jetë e mundur, por kjo nuk ka lidhje me kërkesën e opozitës për ndryshimin e ligjit themeltar për institucionet e pavarura”, ka qënë deklarata e ministres së Integrimit, Bregu. Për të cilën opozita nuk ka përse të vendosë kushte që e bllokojnë tejkalimin e këtij ngërçi, duke këmbëngulur se kërkesat e opozitës do të realizohen në një kohë më të vonë, pasi për qeverinë shqiptare reforma në drejtësi dhe garantimi i institucioneve të pavarura është një prioritet. Nga ana tjetër ministrja Bregu thekson se si afat i fundit për realizimin e kushteve është 20 shtator.
“Klasa politike shqiptare ka afat deri më 20 shtator për të miratuar tre kërkesa të Brukselit: kufizimin e imunitetit, ndryshimet në ligjin për Gjykatën e Lartë dhe reformën parlamentare për të rritur kështu shanset e Shqipërisë që më 10 tetor Komisioni Evropian t’i japë OK marrjes së statusit të kandidatit”, ka deklaruar dje ministrja e Integrimit. Sipas Bregut nuk ka asnjë mospërputhje mes deklaratës se ministrit Panariti për Imunitetin dhe qëndrimit të kryeministrit Berisha, pasi zhveshja nga mbrojtja ligjore është përfshirë tek prioriteti nr. 8 për luftën ndaj korrupsionit. Një sqarim të tillë Bregu është munduar ta bëjë për vetë faktin se ministri i Jashtëm, menjëherë pas kthimit nga Brukseli disa ditë më parë deklaroi se kufizimi i imunitetit nuk është një nga kushtet e vëna nga Brukseli për statusin por vlerë e shtuar e vetë politikës shqiptare. Një deklaratë e cila ka ngjallur debat, pasi deri më tani mazhoranca, përmes kryeministrit Berisha por dhe eksponentëve të tjerë ka akuzuar opozitën se nëse dështon për herë të tretë marrja e statusit të vendit kandidat për në BE, do të jetë ajo fajtore, pasi ka bllokuar votimin e imunitetit.
(Shkrimi u botua në numrin e sotëm të së përditshmes SHQIPTARJA.com)(Gre.M/Shqiptarja.com)
Sondazhi i ditës:
Censi 2023, popullsia u tkurr me 419 mijë në 12 vite, cili është shkaku?
-
Emigrimi
79%
-
Lindshmëria
17.2%
-
Vdekshmëria
3.8%
Vota total: 2234
Votat totale janë unike
Lajme të tjera
-
Pogradec/ Mbyllet edicioni i 14 i festivalit ballkanik të filmit dhe kulinarisë
30 Qershor, 14:18
-
Skandali te Onkologjiku, Rama mbledh nesër shefat e shërbimeve në QSUT
30 Qershor, 13:53
-
Rama: Brenda vitit përfundon rruga e Dukagjinit! Gati ‘paketa e maleve’, do iu jepet leja për ndërtim ndërsa prisni marrjen e tapisë
30 Qershor, 13:50
-
Pogradec, po transportonte 17 emigrantë të paligjshëm drejt Tiranës, arrestohet 25-vjeçari
30 Qershor, 13:48
-
Golem/ Muzikë të lartë gjatë natës, shqetësohen banorët, procedohet penalisht administratori i lokalit
30 Qershor, 13:41
-
‘Atyre të PD u ka rënë sakica në mjaltë’, Rama i jep certifikatën e pronësisë Kishës në Theth: Ata ngroheshin në diell, punën e tyre e bëjmë ne
30 Qershor, 13:24
-
Vuçiç: Sulmuesi i rojës së ambasadsës izraelite ishte i trajnuar mirë
30 Qershor, 13:17
-
'Desh na ndatë nga Amerika', Rama i jep tapinë demokratit në Theth: S’ta dha partia, por qeveria
30 Qershor, 13:15
-
Skandali i Onkologjikut/ Erjon Dasho për Repot Tv: Ky fenomen vazhdon prej 30 vitesh i përfshirë në çdo qelizë të shëndetësisë
30 Qershor, 12:57
-
‘Komandant suprem po të presim', Veriu i Kosovës mbushet me postera të presidentit serb, Vuçiç
30 Qershor, 12:52
-
Rama jep 200 certifikata pronësie në Theth, edhe për Kishën: Falim gjobat për ndërtimet pa leje! Brenda vitit përfundon rruga e Dukagjinit
30 Qershor, 12:51
-
Veliaj: Do rikthejmë Kavajën në PS! Ata që digjnin gjithë Shqipërinë, sot djegin njëri-tjetrin
30 Qershor, 12:26