Në njoftimin e Bashkisë bëhet e ditur se koncerti do të zhvillohet ditën e shtunë në orën 19:30, kohë në të cilën qeveria do të realizojë ceremoninë te “Pallati i Brigadave”, ku parashikohet të ftohen politikanë të të gjithë krahëve e diplomatë.
Pavarësisht deklaratave të kryeministrit për mosorganizime koncertesh me këngëtarë dhe fishekzjarre, bashkia njofton se në koncertin e saj festiv do të marrin pjesë shumë prej këngëtarëve të njohur. Burime pranë kryeministrisë njoftuan një ditë më parë se askush nuk do të privatizojë ceremoninë e statusit, duke konfirmuar se ftesa për atë ditë do të ketë edhe për ish-kryeministrin Berisha dhe kreun e opozitës Lulzim Basha. Por me anë të organizimit të këtij koncerti kreu i Bashkisë Lulzim Basha, duket se do të jetë i pari që refuzon publikisht ftesën e kryeministrit, madje ka ndjekur traditën e të djathtës në vendime të rëndësishme për vendin, duke organizuar një koncert festiv.