Statusi, OSBE: Shqipëria të ketë
kujdes me zgjedhjet e KQZ-në

SHKODER - Pas festës për futjen në NATO, Shqipëria duhet të bëhet gati për një tjetër festë, atë të marrjes së statusit të vendit kandidat për në BE. Deklarata është bërë në qytetin e Shkodrës nga presidenti i Asamblesë Parlamentare të OSBE- së Riccardo Migliori gjatë një vizite në metropolin verior.

Migliori është shprehur optimist për marrjen e një përgjigjeje pozitive.

Presidenti i Asamblesë Parlamentare të OSBE- së, Migliori ka folur edhe rreth zgjedhjeve parlamentare të 2013- së të cilat janë mjaft të rëndësishme për Shqipërinë dhe sipas tij do jenë tregues për stabilitetin e vendit.

Por Migliori ka komentuar edhe zgjedhjen e kreut të KQZ- së, ku beson se politika do arrijë të gjejë gjuhë për zgjedhjen e një njeriu të besueshëm.

Presidenti i Asamblesë Parlamentare të OSBE- së Riccardo Migliori ka zhvilluar një vizitë në qytetin e Shkodrës ku është takuar me kryebashkiakun, Lorenc Luka.

Asambleja Parlamentare e OSBE-së për herë të parë mbërrin në Tiranë për të zhvilluar sesionin e saj të vjeshtës, në përgjigje të ftesës së kryetares së Kuvendit, Jozefina Topalli, ndërsa qyteti i Shkodrës ka qenë ndalesa e parë e delegacionit të OSBE- së.

(Gre.M/Shqiptarja.com)

TAG:
• kqz
• OSBE