Kombëtarja shqiptare e futbollit fitoi 1-3 në transfertë me Ishujt Faroe, për raundin e tretë të grupit E kualifikues të Europianit 2024, që do zhvillohet në Gjermani. Në tre ndeshje në stolin e Kombëtares, Sylvinho ka fituar dy (Moldavi, Ishujt Faroe) dhe një humbje (Polonia), duke siguruar gjashtë pikë për vendin e dytë në grup, një pikë më pak se Çekia kryesuese.
Braziliani i stolit ka ndjekur stilin "samba", duke luajtur në sulm. Emra si Uzuni, Asani, Bajrami, Asllani apo edhe Muçi me Mehmetin kanë treguar se në vitet e ardhshme mund të mbajnë peshën e sulmit. Të gjithë tifozët kanë vënë re në tre ndeshjet e fundit të Kombëtares se nëse guxon në sulm, atëherë vijnë rastet, golat dhe pikët, për vendin e dytë në grup.
Duket se trajneri i ka ndryshuar fytyrën skuadrës, për një metamorfozë të paralajmëruar me uljen e tij në stol. Rastet e krijuara dhe golat kanë ngrohur ambientin, teksa në tre ndeshje kemi pësuar dy gola dhe kemi shënuar pesë, për golavarazhin +3.
![](https://shqiptarja.com/template/img/NO_ALFA_Kuadrate shqiptarja.png)
Kuqezinjtë me lojën sulmuese kanë treguar edhe cilësitë e Bajramit me dy gola, Asllanit me gol dhe asist, apo edhe asisti dhe goli fantastik i Asllanit. Mario Mitaj është një tjetër element i spikatur, që duket se ka siguruar një fanellë titullari në fashën e majtë të fushës.
Me emra si Muçi, Uzuni, Seferi, Bajrami, Mahmeti, Asllani apo edhe të tjerë, duket se brezi i ri i Kombëtares premton shumë në lojën sulmuese, për mos përmendur mbrojtjen që është e gjitha nga Serie A apo edhe La Liga.
Komente
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)
Krahasoni Edi Rejan me Silvinjon,si trainere.Koncept complet tjeter ne stil,taktike etj.
PërgjigjuZgjedhja e nje trajneri brazilian eshte pozitive. Ai e ka ne gjak lojen teknike. Shkolla braziliane do ta bente futbollin tone me te bukur. E kane bere portugezet dhe po ja shohin hajrin.
PërgjigjuFillimi i mbare gjysma e punes, por mos biem ne vetkenaqesi sikurse ka ndodhur me cdo trajner qe ka marre drejtimin e kombetares. Gjithesesi golat deri tani kane qene model, kombinime dhe realizime plot klas. Perballjet me Cekine dhe Polonine do tregojne fuqine e vertete te ketij ekipi, per momentin bravo djemte dhe trajnerit.
Përgjigju