POP 5

Lajmet më të lexuara të 5 minutave të fundit

Sport

Stolat e 'minuar' në Superligë, shtatë emra lëvizin në po kaq javë! Orges Shehi 'kurbani' i fundit

Skuadrat e Superligës shqiptare të futbollit janë në përgatitje të javës së tetë. Kur skuadrat kanë zhvilluar shtatë ose më pak ndeshje, kjo për shkak të shtyrjes së disa dueleve, janë katër klube që kanë ndërruar të paktën një herë trajnerin.

Stolat e 'minuar' në Superligë, shtatë emra lëvizin në po kaq javë! Orges Shehi 'kurbani' i fundit

Trajnerët që kanë lëvizur në Superligë

Skuadrat e Superligës shqiptare të futbollit janë në përgatitje të javës së tetë. Kur skuadrat kanë zhvilluar shtatë ose më pak ndeshje, kjo për shkak të shtyrjes së disa dueleve, janë katër klube që kanë ndërruar të paktën një herë trajnerin.

I fundit ishte largimi i Orges Shehit, që u pezullua nga Tirana për shkak të rezultateve të dobëta. Nëse kthehemi pas me disa javë, qysh pas raundit të parë, Stavri Nica u shkarkua nga Laçi. Më pas kurbinasit emëruan në stol Skerdi Bejzaden, që qëndroi për gjashtë javë në krye të Laçit. Pas tij bardhezinjtë rikthyen në stol një emër si Mirel Josa.

Teuta e nisi me Diego Longon në stol, teksa me vetëm katër ndeshje të drejtuara italiani la pankinën i shkarkuar dhe në vend të tij u rikthye trajneri i emergjencave, Edi Martini.

Edhe Kukësi ka pësuar lëvizje në stol. Rraman Hallaçi u largua pas raundit të dytë dhe në vend të tij u emërua Stavri Nica, që më parë ishte larguar nga Laçi.

Duket se stolat e klubeve të Superligës në Shqipëri janë të "minuar", me trajnerët që punojnë nën presionin e lagimit dhe me "valixhet gati".

Lëvizjet në stolat e Superligës:

Laçi - Stavri Nica, Skerdi Bejzade, Mirel Josa

Tirana - Orges Shehi, (aktualisht pa trajner zyrtar)

Teuta -  Diego Longo, Edi Martini

Kukësi - Rraman Hallaçi, Stavri Nica

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Parashqevi Simaku prej 2 javësh e shtruar në Spitalin Psikiatrik të New Yorkut, nuk pranon të marrë mjekim

Parashqevi Simaku prej 2 javësh e shtruar në Spitalin Psikiatrik të New Yorkut, nuk pranon të marrë mjekim

17 Janar, 07:26