Gianni De Biasi vijon të fitojë kredite për të marrë stolin e Italisë.  
 
Sponsorët e trajnerit të Kombëtares shtohen. I fundit në radhë që mbështet De Biasin është trajneri i Bolonjës Roberto Donadoni që në fakt është edhe vet një kandidat për të pasuar Antonio Conten.
 
Donadoni i pyetur nga mediat italiane sqaron se momentalisht është i përqendruar tek Bolonja.
 
Por Roberto Donadoni mbështet kandidaturën e De Biasit për të cilin thotë: "Është një profesionist i zoti dhe njeri me peshë".
 
De Biasi ka bërë një punë të madhe me Shqipërinë por nuk jam unë ai që zgjedh trajnerin” përfundon tekniku Italian.

Redaksia Online
Shqiptarja.com