STRASBURG - Takimi i parashikuar të dielën në Strasburg mes François Hollande dhe Angela Merkel është shtyrë për një datë ende të pacaktuar për shkak të ngjarjeve të fundit në Francë, theksoi sot zëdhënësi i presidentit të Parlamentit Evropian, Martin Schulz.
"Takimi është shtyrë për shkak të ngjarjeve, lidhur me pengmarrjet dhe atentatin kundër Charlie Hebdo dhe po zhvillohen diskutime për vendosjen e një date tjetër për takimin mes kancelares gjermane dhe presidentit francez", theksoi Armin Machmer, zëdhënës i Martin Schulz.
Informacioni u konfirmua nga rrethi i François Hollande, si dhe nga një zëdhënës i Angela Merkel./ATSH/