POP 5

Lajmet më të lexuara të 5 minutave të fundit

Arkiva

Strategjia, ja si do informohen
zgjedhësit për 23 qershorin

TIRANE - Komisioni Qendror i Zgjedhjeve pritet që të shqyrtojë vendimin lidhur me miratimin e Strategjisë për edukimin zgjedhor të shtetasve, për Zgjedhjet për Kuvendin të datës 23.06.2013. Lidhur me këtë pjesë do të merret pikërisht Sektori i Edukimit të Zgjedhësve dhe zëdhënësja e KQZ-së, për ndjekjen e zbatimit të kësaj strategjie.

Aplikimi i strategjisë së edukimit të zgjedhësve do të realizohet nëpërmjet disa elementëve kryesorë siç janë; njoftime në gazeta dhe në revista, njoftime të ndriçuara, makina lëvizëse në rrugët kryesore, posterat në rrugët e qyteteve, postera në ambiente të brendshme dhe të jashtme, fletëpalosjet, faqe Interneti, reklama në autobuzë të linjave urbane dhe interurbane, reklama në materiale promocionale (kapele, bluza, stilolapsa), edukimi, informimi dhe sensibilizimi zgjedhor në distancë si dhe edukimi nëpërmjet mediave audiovizive.

Sipas relacionit të administratës së KQZ, njoftimet do të publikohen për një periudhë 30 ditore përpara ditës së zgjedhjeve. “Strategjia ka për qëllim përcaktimin e drejtimeve, formave e mjeteve që duhet të ndjekë KQZ-ja në përmbushje të detyrimit ligjor për edukimin zgjedhor të shtetasve.

Qëllimi më specifik i strategjisë është gjetja e formave sa më bashkëkohore të komunikimit me shtetasit që gëzojnë të drejtën e votës, dhe jo vetëm, koordinimi e më pas vënia në jetë e projekteve të ndryshme, në përmbushje të qëllimit për realizimin e sa më shumë programeve cilësore të edukimit zgjedhor të shtetasve.

Ky fakt do të ndihmonte në rritjen e pjesëmarrjes në votim, rritjen në cilësinë e votimit, shmangien e gabimeve gjatë procesit për arsye mosnjohjeje të procedurave, apo dhe të fenomeneve negative që vihen re gjatë procesit zgjedhor në tërësi”, thuhet në relacionin e KQZ.

Shkrimi u botua sot në gazetën Shqiptarja.com (print) 05.03.2013

Redaksi Online
(b.m/shqiptarja.com)

/Shqiptarja.com
  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

Eduard Zaloshnja: Rama synon 1 milion vota gjithësej dhe 84 mandate për PS-në, por…

10 Janar, 09:40 nga Eduard Zaloshnja