POP 5

Lajmet më të lexuara të 5 minutave të fundit

Kronikë

Strehimi i muxhahedinëve,SHBA
'Të pranojnë ofertën e Shqipërisë'

SHBA-të mirëpresin ofertën e qeverisë shqiptare për strehimin e 210 muxhaedinëve iranianë ish-banorë të kampit Ashraf në Irak  dhe falenderojnë kryeministrin Berisha për gjestin human për t’i siguruar këtyre individëve një strehë. OKB: Të ndiqet shembulli i ShqipërisëQeveria shqiptare: Strehojmë 210 muxhaedinë nga Iraku Muxhahedinët: Jemi mbi 3 mijë
TIRANE - Shtetet e Bashkuara të Amerikës mirëpresin ofertën e qeverisë shqiptare për strehimin e 210 muxhaedinëve iranianë ish-banorë të kampit Ashraf në Irak, të vendosur përkohësisht në kampin Hurriya, dhe falenderojnë kryeministrin Berisha për gjestin human për t’i siguruar këtyre individëve një strehë.

Deklarata është bërë nga zëdhënësja e DASH, Victoria Nuland, e cila është shprehur se SHBA-të besojnë se “zhvendosja e përhershme e ish-rezidentëve të Ashraf jashtë Irakut është e vetmja zgjidhje dhe mbetemi të angazhuar për të asistuar UNAMI, UNHCR dhe qeverinë e Irakut në këtë ndërmarrje.”

Nga ana tjetër, Departamenti Amerikan i Shtetit i bën thirrje grupit Iranian të pranojë ofertën e Berishës. “Shtetet e Bashkuara i bëjnë thirrje lidershipit të MEK të pranojë menjëherë ofertën humanitare të Qeverisë së Shqipërisë dhe i këshillon rezidentët e Kampit Hurriya ti rikthehen pjesmarrjes në intervistat e transferimit, për të garantuar që individët të shfrytëzojnë mundësitë e vendosjes së sigurte e te garantuar jashtë Irakut. Ne inkurajojmë gjithashtu lidershipin e MEK të vendos jetën dhe sigurinë e ish rezidentëve të Ashraf si prioriteti më i lartë duke ofruar një bashkëpunim të plotë dhe të pakushtëzuar me procesin e transferimit”, bëhet e ditur në faqen zyrtare të Departamentit amerikan të Shtetit.

Më tej Nuland është shprehur se “Shtetet e Bashkuara mbështesin fuqimisht punën e Misionit të Asistencës së Kombeve të Bashkuara në Irak (UNAMI), UNHCR dhe Përfaqësuesit të Vecantë të Sekretarit të Përgjithshëm Martin Kobler. Ne vazhdojmë të theksojmë siguria e kampit dhe e rezidentëve të tij duhet të garantohet në përputhje më Memorandumin e Mirëkuptimit të datës 25 dhjetor 2011, midis Kombeve të Bashkuara dhe Qeverisë së Irakut, dhe I bëjnë thirrje të gjitha palëve të përfshira të punojnë sëbashku në mënyrë efektive për këtë.”

Në Kampin Hurriya, i njohur gjithashtu si Kampi i Lirisë jetojnë më shumë se 3000 banorë.

Dy ditë më parë qeveria shqiptare komunikoi se do të “mirëpresë e strehojë” 210 muxhahedinë nga Iraku, gjatë takimit të zhvilluar mes kryeministrit Berisha me Zëvendës Ndihmës Sekretaren në Departamentin e Shtetit të Shteteve të Bashkuara të Amerikës, në Zyrën e Çështjeve të Lindjes së Afërt, znj. Barbara Leaf.

Ndërkohë vetëm një ditë më pas, ishin vetë muxhahedinët, ata të cilët e kushtëzuan këtë ofertë duke kërkuar nga Tirana zyrtare që të rrisë numrin e azilantëve, pasi sipas tyre ata nuk janë 210 por mbi 3 mijë persona.

OKB: TE NDIQET SHEMBULLI I SHQIPERISE
Komisioneri i Lartë i OKB-së për refugjatët, Antonio Guterres, përshëndeti vendimin e qeverisë shqiptare për pranimin e 210 rezidentëve nga Kampi Hurriya në Irak për në Shqipëri.

Kampi ka parë kohët e fundit përkeqësimin e sigurisë të banorëve të saj, ku në shkurt nga një mortajë u vranë tetë persona dhe u plagosën dhjetëra të tjerë.

“Ky propozim është një demonstrim i solidaritetit ndërkombëtar”, -tha zoti Guterres dhe “inkurajojmë fuqimisht vendet e tjera të ndjekin shembullin e Shqipërisë dhe të ofrojnë zgjidhje për banorët e kampit, që tu jepet mundësia për t’u zhvendosur jashtë Irakut."

Redaksia Online
(Gre.M/Shqiptarja.com)

/Shqiptarja.com
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Kontrata që i shkaktoi humbjen e madhe, në Spanjë zbulojnë pse erdhi divorci i papritur i Pep Guardiolës

Kontrata që i shkaktoi humbjen e madhe, në Spanjë zbulojnë pse erdhi divorci i papritur i Pep Guardiolës

16 Janar, 12:37