Studentja e infermierisë ngre shqetësime për Fakultetin: S’kemi materiale laboratorike! Flakonët, shiringat, dorezat e maskat i blejmë me paratë tona

Në kohën kur vendi ynë ka nevojë gjithnjë e më tepër për bluza të bardha, infermierë e mjekë, studentë të degëve të shendetësisë janë të pakënaqur.

Borana Jaçaj, studentja e vitit të dytë të degës së infermierisë në një intervistë për Report Tv ndan me ne shqetesimet e saj studentore që lidhen kryesisht me praktikën në laboratorë.

“Na kërkohet të sjelllim vete baze materiale si flakon, age, shiringa, doreza, maska mbrojtese. I blejmë me paratë tona. Higjena e pakët. Po të hysh në tualete vjen erë e keqe. Po të hysh nëpër klasa i gjen të papastruara. Së dyti komunikimi është shumë i keq, ne si studentë s’mund të shkojmë tek sekretaria, dekanati, tek pedagogët tanë të flasim për shqetësimet tona, nuk mund të shkojmë dhe për të marr një vertetim se përbaallemi me përgjigjie të vrazhda e të pasjellshme”, tha Borana Jaçaj, studente infermierie.

LEXO EDHE:
Laboratorë të rinj për Matjet dhe Testimet në UST, Kushi: U shërben edhe universiteteve të tjera, federatave dhe sportistëve elitarë

Për Boranën dhe angazhimi i studentëve në kryerjen e praktikës në spital lë për të dëshiruar.

“Infermieret qe bejne praaktinen na bejne te ndihemi si barre. Ne jemi studente te zellshem qe duam te mesojme profesion. Na shpërfillin , na injorojnë.Pjesa e praktikave çalon shumë në fakultetin tone që jemi në shtet sepse kam pare sesi kryejnë në fakultetet tjera në privat Ne ikim me grupet e tjera dhe u ngjitemi pas atyre”, tha Borana Jaçaj.

Studentja kërkon të merren masa për zgjidhjen e këtyre problematikave dhe të shtohen orët laboratorike dhe ato të praktikes.

“Këtë vit kemi patur, s’kemi patur një javë.”

A.M./KT/Shqiptarja.com

TAG:
• Laborator
• borana jacaj
• infermieri