POP 5

Lajmet më të lexuara të 5 minutave të fundit

Sociale

Studimi i ISHP: Abortojnë dhe 14
vjeçaret..80% e femrave, të papuna

Një studim i Institutit të Shëndetit Publik, nxjerr në dritë një fakt shqetësues sa i përket fenomenit të aborteve. Sipas ekspertëve të ISHP-së, aborteve po i drejtohen edhe 14 vjeçaret. Po ashtu problem shqetësues mbetet edhe fakti që gjithnjë e më shumë femrat po shkojnë drejt abortit për shkak të kushteve ekonomike, pasi janë të papuna.VIDEO
TIRANE - Fenomi i abortit po prek gjithnjë e më shumë edhe vajzat e mitura. Sipas Institutit të Shëndetit publik, i cili ka analizuar të dhënat e mbërritura nga të gjithë maternitetet e vendit për vitin 2013, abortet e kryera nga grupmosha 14-19 vjeç, përbëjnë plot 5 % të nivelit kombëtar.

Sipas studimit të shëndetit Publik, referuar të dhënave të vitit 2013, numri total i aborteve të raportuara, është 6442 raste të ndërprerjes së shtatzanisë dhe rreth 320 raste janë adoleshente.

Ndërkohë 4% e tyre , janë adoleshentë të kryeqytetit që i janë drejtuar maternitetit për ta ndërprerë shtatzanënië pasi nuk duan të bëhen nëna.

Por ajo që tërheq vëmendjen është fakti se krahasuar me vitin 2012, gjithnjë e më shumë kërkojnë ndërprerje të shtazanisë femrat të cilat nuk janë të punësuara dhe as të siguruara. Për vitin 2013 abortet e kryera nga femrat e papuna zënë rreth 83.1% të aborteve totale, ndërsa ata të pasiguruarapërbëjnë 78.4%, të gjithë numrit total.

Statistikat e aborteve kryesohen nga Tirana me 2908 raste të skeduara për vitin 2013, më pas vjen Fieri, Vlor, Berati dhe Durrësi.

Sa i përket sektorit privat, vetëm dy klinika kanë raportuar se kanë kryer aborte, 291 raste, por ekspertët e ISHP shpjegojnë se kjo përqindje e ulët lidhet me faktin se në mes të vitit 2013 thuajse të gjitha klinikave private u ka skaduar licenca që u lejon të bëjnë këtë ndërhyrje dhe u është dhënë vetëm spitaleve private, për t u ofruar grave një shërbim më të mirë për abortin.

Redaksia Online
(Shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03