Studimi italian-Dëmtim i dyfishtë i mushkërive/ Kështu Covid-19 vret të infektuarit

Shkalla e lartë e vdekshmërisë së të shtruarve në kujdesin intensiv është për shkak të dëmtimit të dyfishtë të mushkërive, alveolave ​​dhe kapilarëve, shkaktuar nga koronavirusi dhe sekreti  i shpëtimit të jetëve qëndron në identifikimin në kohë të pacientëve që kanë këtë "dëmtim të dyfishtë" 

Një hap tjetër përpara për të kuptuar dhe frenuar përhapjen e koronavirusit është hedhur falë një studimi italian të Universitetit të Bolonjës

Hulumtimi, i botuar në ‘Lancet Respirator Medicine’, ka identifikuar mekanizmin përgjegjës për vdekshmërinë e lartë të pacientëve Covid-19 që janë në kujdesin intensiv.

Nëse virusi dëmton mushkëritë, duke prekur alveolat dhe kapilarët, rreziku i humbjes së jetës është më i lartë.

Sipas studiuesve, dy teste të thjeshta mund ta identifikojnë këtë gjendje dhe diagnoza e hershme së bashku me mbështetjen e kujdesit maksimal të mundshëm në kujdesin intensiv, mund të çojnë në një ulje deri në 50% të vdekjeve. Studimi u krye në 301 pacientë të prekur nga koronavirusi.

Hulumtimet tregojnë se virusi mund të dëmtojë dy përbërësit e mushkërive: alveolat, të cilat marrin oksigjen dhe lëshojnë dioksid karboni, dhe kapilarët, enët e gjakut ku ndodh dioksidi i karbonit dhe shkëmbimi i oksigjenit.

Kur mikroorganizmi godet, duke shkaktuar përkeqësimin e gjendjes shëndetësore, vdesin pothuajse 60% e pacientëve.

Rezultate të ndryshme janë vërejtur nëse Covid-19 dëmton vetëm një nga të dyja: në këtë rast, pak më shumë se 20% e njerëzve të infektuar humbin jetën.

Gjetjet e hulumtimit janë të rëndësishme si për trajtimet aktualisht në dispozicion ashtu edhe për studimet e ardhshme mbi ndërhyrjet e reja terapeutike për pacientët e prekur nga Covid-19. Falë rezultateve të këtij studimi do të jetë gjithashtu e mundur të shkohet më tej.

TAG:
• Mushkritë
• Lancet Respirator Medicine
• Universiteti i Bolonjës
• alveola
• kapilarë