Instituti Shqiptar për Studime Ndërkombëtare dhe Agjencia Gjermane për Bashkëpunim Ndërkombëtar publikuan sot një studim mbi lëvizjet migratore të shqiptarëve, nga doli se afro 40 për qind e popullsisë së Shqipërisë jetojnë jashtë vendit.
Kështu, Shqipëria renditet midis vendeve europiane e botërore me emigrimin më të lartë për frymë të popullsisë. Ata janë kryesisht emigrantë pune, studentë, azil-kërkues e refugjatë, si dhe minorenë të pashoqëruar. Vendet me më shumë emigrantë shqiptarë janë Italia me 450 mijë dhe Greqia me 430 mijë vetë deri në 2017.
“Në 2010 afro 50 për qind e fuqisë punëtore ishte vendosur në Greqi dhe Itali. Ndërsa 5-6 vitet e fundit ka ndodhur një riorientim i emigrantëve drejt vendeve europiane si Gjermania dhe Franca” – thotë Albert Rakipi, drejtues i Institutit Shqiptar për Studime Ndërkombëtare.
Gjermania është aktualisht vendi më tërheqës për emigrantët shqiptarë: nga 10 mijë në 2013, numri i shqiptarëve që shkuan ilegalisht në Gjermani ishte 8 herë më i lartë në 2015, ndërsa në 2016 ishte 5 herë më i lartë se sa në 2014. Shumica e tyre kërkojnë azil dhe nuk regjistrohen si refugjatë. Në 2017, 18 mijë shqiptarë qëndruan ligjërisht në Gjermani.
“Qeveria federale po e ndihmon Shqipërinë dhe shqiptarët në krijimin e kushteve më të mira të qëndrojnë e të punojnë këtu në Shqipëri. Ne po sigurojmë shkollime dhe trajnime, për punëtorët e rinj të përshtaten me tregun e punës dhe po mbështesim bizneset e reja, që të mos emigrojnë dhe përherë e më shumë të kthehen në atdhe” – tha Katia Resken nga Agjencia Gjermane për Bashkëpunim Ndërkombëtar.
Pas Gjermanisë, në 2017 Franca u bë shteti i dytë, ku udhëtuan më shumë shqiptarë. Aktualisht afro gjysma e rinisë shqiptare shprehet se është gati të largohet nga vendi sapo t’i jepet mundësia.
Emigrimi i paligjshëm i shqiptarëve drejt vendeve të BE-së është tashmë i zakonshëm; tre vitet e fundit shqiptarët janë të tretët, pas Ukrainës dhe Marokut, për qëndrim të paligjshëm në vendet e BE-së. Tre vitet e fundit shqiptarët ishin në krye të vendeve që kalojnë kufijtë në mënyrë të paligjshme, të ndjekur nga Pakistani dhe Afganistani.
Shqipëria u rendit e treta ndër dhjetë vende që iu refuzua hyrja në kufijtë e brendshëm europianë, pas Ukrainës dhe Rusisë, tre vitet e fundit. Vitin e fundit ka një tendencë kthimi, kur në 6 vitet e kaluara janë kthyer afro 100 mijë shqiptarë, kryesisht nga Greqia dhe Italia, kur ato i kapën krizat ekonomike.
Shumë prej tyre kanë hapur ndonjë biznes të vogël në atdhe, ose janë ende në kërkim të ndonjë pune në atdheun e tyre, ku gjetën një papunësi të lartë. Studimi bazohet pjesërisht në intervista me shqiptarë të kthyer nga Greqia, Italia dhe Gjermania, për të parë nga afër përpjekjet e tyre të ri-integrimit në atdhe. (Voa)
Lajme të tjera
-
Komisioni Evropian mirëpret përfshirjen e Shqipërisë në zonën unike Euro (SEPA): Një hap përpara në integrimin drejt BE!
22 Nëntor, 16:44 -
Shqipëria anëtare e SEPA-s, Sejko: Kostoja e pagesave ndërkufitare në euro, 5 herë më e ulët! Kursimi në ekonomi 20 mln euro në vitin e parë
21 Nëntor, 17:50 -
Shqipëria pranohet zyrtarisht në SEPA
21 Nëntor, 16:38 -
Liga e Kombeve/ Ndeshja ndaj Shqipërisë të martën, tekniku ukrainas Rebrov: Po përgatitemi për takimin e rëndësishëm
17 Nëntor, 22:30 -
Rraklli në Report TV për ndeshjen me Çekinë: Të kalojmë të parët në avantazh dhe të vrasim ndeshjen! Ata luajnë për barazim, Silvinjon e këshilloj që...
15 Nëntor, 19:52 -
Trump emëroi Marco Rubio në krye të diplomacisë, Hasani bën reagimin e parë nga Shqipëria: Mirëpresim të forcojmë më tej lidhjet midis dy vendeve!
14 Nëntor, 11:44 -
Shqipëria dhe Emiratet e Bashkuara marrëveshje për krijimin e kompanisë së përbashkët të prodhimit të energjisë! Investime në vendin tonë dhe rajon
12 Nëntor, 14:22 -
Korçë/ Ambasadorët e Gjermanisë dhe Francës për arrestimet e fundit: Mbështesim punën e SPAK dhe integrimin e Shqipërisë
11 Nëntor, 13:05
-
Marrëveshja e emigrantëve Itali-Shqipëri, Meloni: BE interesim të jashtëzakonshëm për paktin me Ramën! Mora solidaritet nga partnerët në Bruksel
8 Nëntor, 18:26 -
Spiropali në Letoni/ Takohet me homologen Daiga Mierina: Intensifikojmë bashkëpunimin parlamentar! Të dy vendet partnere në NATO
23 Tetor, 15:37 -
Komisioni Evropian miraton planin e rritjes, BE nis së shpejti pagesat! 6 miliard euro për Ballkanin Perëndimor
23 Tetor, 15:26 -
Hapja e grup-kapitujve/ Komisioneri Varhelyi: Mbështetje Shqipërisë në përshpejtimin e reformave, anëtar të BE deri në fund të mandatit të ardhshëm (VIDEO)
21 Tetor, 12:44
