KANADA- Kërkuesit kanadezë kanë konfirmuar atë për të cilën shumë njerëz kanë dyshuar prej kohësh: se ata që vijnë vërdallë në internet, pa ndonjë arsye të caktuar, janë sadistë tipikë makiavelianë.
 
Në një vëzhgim të bërë nga një grup psikologësh, njerëzit të cilët morën pjesë në të ashtuquajturën endje online, shfaqën shenja të sadizmit, psikopatisë dhe ishin makiavelistë në manipulimin e tyre ndaj të tjerëve dhe në shkujdesjen e tyre për moralitetin.
 
Kërkuesit përcaktuan endjen online si “praktikë e të sjellurit në mënyrë mashtruese, destruktive, përçarëse në qasjen e tyre në internet, për asnjë qëllim tjetër veçse për kënaqësinë e tyre”.
 
Për të mbërritur në këto rezultate, grupi i kërkuesve pyeti përdoruesit e internetit për temat, duke përfshirë edhe pyetjen se sa kohë shpenzonin oline dhe nëse komentojnë në uebsajte si 'YouTube'.
 
Atyre iu dhanë gjithashtu teste që masnin përgjigjen e tyre për tu testuar psikologjikisht për: narcisizëm, makiavelizëm, psikopati dhe personalitet sadist.
 
Pyetjet u rrethuan gjithashtu nga thënie sadite si, “Më pëlqen fizikisht të lëndoj njerëzit,” “Më pëlqen të bëj shaka në kurriz të të tjerëve” dhe “Më pëlqen të luaj të keqin në lojëra dhe të torturoj karakteret e tjerë.”
 
“Ishte sadizimi, megjithatë që kishte lidhjen më të madhe me endjen në internet më shumë se sa ndonjë tipar tjetër i personalitetit”, thonë psikologë nga Universiteti i 'Manitoba'-s, Universiti i 'Winnipeg'-it dhe Universiteti i “British Columbia”, në një artikull të botuar në ‘Diferencat Individuale dhe të Personalitetit”.
 
Redaksia Online
(b.g/shqiptarja.com)