Stuhi shiu dhe breshër, parashikimi i motit për sot

Ditën e Mërkurë vendi ynë do të jetë nën ndikimin e kushteve atmosferike të paqëndrueshme. Moti parashikohet me alternime vranësirash të cilat do të pasohen me reshje shiu me intensitet mesatar e lokalisht deri të lartë fillimisht në veriperëndim e më pas lokalisht përgjatë Ultësirës Perëndimore dhe në jug të vendit. Reshjet do të jenë të herëpashershme  dhe do të shtrihen në të gjithë territorin në formën e rrebesheve të shpejta e stuhive më shkarkesa të forta elektrike e breshër.

Gjatë orëve të mbrëmjes reshjet do të ulin intensitetin dhe do të jenë në formën e shtrëngatave afatshkurtra. Era do të fryjë me drejtim veriperëndim-jugperëndim me shpejtësi mesatare 1-8 m/s, ndërsa përgjatë vijës bregdetarë era fiton shpejtësi 10-14 m/s shoqëruar me valëzimin në dete të forcës 1-3 ballë.

Temperaturat parashikohen:

në zonat malore 9 deri 16 °C

në zonat e ulëta 9 deri 20°C

në zonat bregdetare 13 deri 22 °C.

Lajmi kryesor:

Reshje të dendura shiu në gjithë vendin! Shtrëngatë në Tiranë! Në Vlorë e Durrës lagje nën ujë! Mirditë përroi Zmejës përmbyti disa banesa! (VIDEO)

SI.E./Shqiptarja.com

TAG:
• Lezhe
• mirdite
• Vlore
• Durres
• moti i keq