Suedia lejoi djegien e Kuranit jashtë xhamisë së Stokholmit, reagon Turqia: Akt mizor dhe i papranueshëm

Turqia ka dënuar vendimin e autoriteteve suedeze për të miratuar një demonstrim të vogël të djegies së Kuranit jashtë një xhamie në Stokholm të mërkurën, një veprim që ata thonë se  mund të rrezikojë ofertën e Suedisë për t'u bashkuar me NATO-n përpara samitit kyç të bllokut në korrik.

Ministri i Jashtëm i Turqisë dënoi protestën të mërkurën, duke e quajtur atë një "akt të urryer".

“Është e papranueshme të lejohen këto veprime anti-islame nën pretekstin e lirisë së shprehjes. Të mbyllësh sytë ndaj akteve të tilla të urryera do të thotë të jesh bashkëfajtor në to”, tha Hakan Fidan në një deklaratë.

Drejtori i Komunikimit të qeverisë turke, Fahrettin Altun, shtoi në një postim në Tëitter: “Jemi të lodhur dhe të munduar nga mundësimi i islamofobisë dhe rasteve të vazhdueshme të urrejtjes për fenë tonë nga ana e autoriteteve evropiane, veçanërisht në Suedi”.

“Ata që kërkojnë të bëhen aleatët tanë në NATO, nuk mund të tolerojnë apo mundësojnë sjellje destruktive të terroristëve islamofobikë dhe ksenofobikë”, tha ai.

Lajmi kryesor:

Suedia lejon demonstratën islamofobe jashtë një xhamie në Stokholm, protestuesit mund të djegin kuranin! Turqia: E papranueshme

G.MO/Shqiptarja.com

TAG:
• Suedi
• kurani
• Protesta
• islamofobia
• Stokholm