/ATSH-Gjergji Mima/ - Kryeministri Edi Rama zhvilloi sot një vizitë zyrtare në Suedi ku fillimisht zhvilloi një takim me ambasadorët suedezë të rajonit, për të folur për politikën e re rajonale të Shqipërisë .
Kryeministri Rama zhvilloi gjithashtu një takim me kryeministrin e Suedisë, Stefan Löfven, ku u diskutua edhe për BE-në dhe për reformat e mëdha në Shqipëri
Gjithashtu Kryeminsitri Rama iu përgjigj edhe pyetjeve të shumë mediave të interesuara për Shqipërinë dhe për zhvillimet e fundit.
Kryeministri Edi Rama zhvilloi sot një vizitë zyrtare në Suedi
Më pas vizita e Kryeministrit Rama në Suedi vazhdoi në kishën e mbretërve dhe Akademinë Suedeze, ku jepet edhe çmimi Nobël për Letërsinë.
"Sot në Stokholm për të folur për politikën e re rajonale të Shqipërisë me ambasadorët suedezë të rajonit, me kryeministrin e Suedisë ku u diskutua edhe për BE e për reformat e mëdha në Shqipëri, si edhe me shumë media të interesuara për Shqipërinë e për zhvillimet e fundit. Vizita vazhdoi në kishën e mbretërve dhe Akademinë Suedeze ku jepet edhe çmimi Nobël për Letërsinë", shkruan Kryeministri Rama në një album fotografik të postuar në rrjetin social "Facebook".