Suksesi i partisë Alternativa për Gjermaninë në zgjedhjet e së dielës në dy shtetet gjermane, rriti trysninë mbi qeverinë e përçarë të kancelarit Olaf Scholz dhe e la partinë kryesore opozitare të vendit të përballet me vështirësi të hënën, për të gjetur një mënyrë për të qeverisur në dy rajonet lindore, pa përfshirë partinë e ekstremit të djathtë.
Alternativa për Gjermaninë, AfD, u bë partia e parë e ekstremit të djathtë që fitoi zgjedhjet shtetërore në Gjermaninë e pas Luftës së Dytë Botërore në Tyringen nën udhëheqjen e një prej personaliteteve më të skajshme Björn Höcke. Në Saksoninë fqinje, ajo doli e dyta pas konservatorëve të Unionit Demokristian, i cili kryeson opozitën kombëtare. Votuesit ndëshkuan tre partitë e koalicionin qeverisës të kancelarit Scholz, që dolën me më pak se 15 për qind të votave.
Pakënaqësia e thellë me një qeveri kombëtare famëkeqe për konfliktet e brendshme, inflacionin dhe ekonominë e dobët, ndjenjat kundër imigracionit dhe rezervat ndaj ndihmës ushtarake gjermane për Ukrainën, janë ndër faktorët që kontribuuan në shtimin e mbështetjes për partitë populiste në lindjen ish-komuniste, e cila është më e varfër se Gjermania perëndimore. Një parti e re e themeluar nga një personalitet i shquar i së majtës ishte fituesja e dytë e madhe të dielën dhe ndoshta do të luaj rol vendimtar për të formuar qeveritë shtetërore, pasi askush nuk është i përgatitur të qeverisë bashkë me AfD-në.
Humbja e thellë e partive qeverisëse iu shtua dështimeve të mëdha në zgjedhjet për Parlamentin Evropian në qershor për koalicionin e Scholz-it dhe nuk është e qartë se ata kanë ndonjë recetë për të ndryshuar gjërat para zgjedhjeve të ardhshme kombëtare gjermane të vjeshtës së vitit të ardhshëm. Një palë zgjedhje shtetërore më 22 shtator në rajonin lindor të Brandenburgut, i cili udhëhiqet nga socialdemokratët e qendrës së majtë të kancelarit Scholz, mund të shtojë sikletin e tyre.
Votuesit "deshën t'i dërgojnë një shenjë Berlinit mbi të gjitha", tha Jens Spahn, një ligjvënës i lartë i CDU-së, për televizionin ZDF. “Ata deshën t'i dërgojnë një shenjë (koalicionit) se kancelari nuk e ka më besimin e tyre. Olaf Scholz është fytyra e dështimit edhe në Tyringen edhe në Saksoni”.
Por zgjedhjet e së dielës e vënë para vendimeve të vështira edhe CDU-në, e cila kryeson në anketat kombëtare. AfD-ja tani mban më shumë se një të tretën e vendeve, të paktën në parlamentin e Tyringenit, që i mundëson asaj, për shembull, të bllokojë emërimet e gjyqtarëve në gjykatën kushtetuese rajonale dhe kjo do ta bëjë të vështirë formimin e një qeverie funksionale.
Fuqia e AfD-së në lindje i ka shtyrë partitë e tjera në koalicione jokonvencionale që në vitin 2016, por rezultatet e së dielës e çuan situatën në një nivel të ri./VOA
Lajme të tjera
-
Rrëzimi i avionit në Lituani, ministrja e Jashtme e Gjermanisë: Mund të jetë i lidhur me sabotim
25 Nëntor, 21:46 -
I’u është refuzuar azili, emigrantët marrin para nga Gjermania për t’u larguar nga vendi
23 Nëntor, 18:43 -
DW: Arrestimi i Netanjahut në Gjermani vështirë të përfytyrohet
23 Nëntor, 12:43 -
Angela Merkel intervistë për 'Corriere della Serra': Nuk e kërkova unë largimin e Berlusconit! Putin? I njihja synimet e tij, është një armik i Evropës
23 Nëntor, 11:23 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Dokumenti sekret/ Gjermania përgatitet për luftë botërore, gazeta gjermane zbulon planet e Berlinit
21 Nëntor, 17:47
-
Ekstradohet një 62-vjeçar nga Gjermania, akuzohet se kanosi një shtetase për t'i marrë 5000 euro, i ngacmoi seksualisht mbesën
21 Nëntor, 15:29 -
Finlanda i bashkohet Suedisë, çel hetimet për kabllot prera të transmetimit të të dhënave në Detin Baltik
21 Nëntor, 08:41 -
'The New York Post': Evropa përgatitet për Luftën e Tretë Botërore, dokumentet sekrete gjermane zbulojnë planet
21 Nëntor, 08:26 -
Gjermania furnizon për herë të parë Ukrainën, i jep 4000 dronë me inteligjencë artificiale
20 Nëntor, 11:45 -
Presion ndaj Scholzit që të mos garojë për një tjetër mandat si kancelar i Gjermanisë
19 Nëntor, 20:09 -
Dëmtohet kablloja nënujore mbi 1 mijë kilometra e gjatë që lidh Gjermaninë me Finlandën, Berlini: Sabotim
19 Nëntor, 16:05
