Sulm me armë zjarri gjatë protestave në Iran/ Vriten 15 persona, mes tyre një 9-vjeçar

Sulm me armë zjarri gjatë protestave në Iran/ Vriten 15 persona, mes tyre një 9-vjeçar

Protestat në Iran po zhvillohen prej nëntë javësh, ku së fundmi 15 persona janë qëlluar për vdekje, duke përfshirë anëtarë të forcave të sigurisë dhe një djalë nëntë vjeçar.

Në përvjetorin e kryengritjes së vitit 2019 të mërkurën, agjencitë shtetërore të lajmeve fajësuan terroristët me dy motoçikleta për vrasjen e shtatë personave në një qendër tregtare në qytetin jugor të Izeh Khuzesta, raporton punjabnews.

Protestuesit kanë raportuar se anëtarët e forcës së milicisë Basij vrapuan duke vrarë ndër të tjera një djalë nëntë vjeçar i ulur në makinë me babanë e tij. Sipas agjencisë së lajmeve, dy patrulla vullnetarësh të Basij ishin mes të vdekurve dhe 10 u plagosën.

Pesë persona të tjerë u vranë në zonën e Isfahanit, përfshirë forcat e sigurisë, në një tjetër sulm, duke çuar numrin e viktimave në 15. Numri i përgjithshëm i vdekjeve gjatë protestave të fundit ka shkuar në 348, sipas Harana, një agjenci për të drejtat e njeriut.

Agjencitë qeveritare të lajmeve thanë se vrasjet mund të jenë një shenjë se protestat po ktheheshin në një kryengritje të armatosur.

Videot e postuara në mediat sociale treguan dyqane të mbyllura në Pazarin e Madh të Teheranit ndërsa protestuesit brohorisnin duke mbajtur në dorë slogane anti-qeveritare.

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Aksident te rethrrotullimi i Kolonjës, makina çan barrierat e rrugës dhe fluturon në kanal

Aksident te rethrrotullimi i Kolonjës, makina çan barrierat e rrugës dhe fluturon në kanal