POP 5

Lajmet më të lexuara të 5 minutave të fundit

Bota

Sulm me bombë në një xhami në Pakistan, 32 të vrarë

Të paktën 32 besimtarë janë vrarë dhe rreth 120 të tjerë janë plagosur në një sulm që dëshmitarët thanë se ishte një sulm vetëvrasës brenda një xhamie në qytetin veriperëndimor pakistanez të Peshavarit. Dëshmitarët okularë i thanë Radio Mashaal se kamikazët që qëndronin në rreshtin e parë pas imamit, shpërthyen jelekët me eksplozivë derisa besimtarët, përfshirë shumë policë dhe zyrtarë të tjerë, ishin mbledhur për lutjet e pasdites në Xhaminë e Linjës së Policisë më 30 janar.

Sulm me bombë në një xhami në Pakistan, 32 të vrarë

Xhamia ku ndodhi sulmi

Të paktën 32 besimtarë janë vrarë dhe rreth 120 të tjerë janë plagosur në një sulm që dëshmitarët thanë se ishte një sulm vetëvrasës brenda një xhamie në qytetin veriperëndimor pakistanez të Peshavarit. Dëshmitarët okularë i thanë Radio Mashaal se kamikazët që qëndronin në rreshtin e parë pas imamit, shpërthyen jelekët me eksplozivë derisa besimtarët, përfshirë shumë policë dhe zyrtarë të tjerë, ishin mbledhur për lutjet e pasdites në Xhaminë e Linjës së Policisë më 30 janar.

Dhjetëra të plagosur u transferuan në spitalet përreth, tha një oficer policie. Disa prej tyre ishin në gjendje kritike, tha ai, duke shtuar numri i të vdekurve mund të rritet. Një zyrtar i spitalit tha se 10 deri në 15 persona janë në gjendje kritike.

Sipas Associated Press të paktën 150 persona ishin duke marrë pjesë në lutje kur ndodhi shpërthimi, megjithëse burime të tjera thanë se numri i besimtarëve në xhami ishte rreth 260 persona. Askush nuk e ka marrë përgjegjësinë për shpërthimin. Talebanët pakistanezë, të njohur si Tehreek-e-Taliban Pakistan (TTP) kanë marrë përsipër sulme të ngjashme në të kaluarën. Grupi radikal ka zhvilluar një kryengritje në Pakistan gjatë 15 viteve të fundit.

Kryeministri Shahbaz Sharif dënoi sulmi dhe tha se do të ndërmerren "veprime të rrepta" kundër atyre që e kanë kryer atë. Korrespondentët e Radios Evropa e Lirë në zonë thanë se xhamia është frekuentuar nga oficerë policie dhe zyrtarë nga qeveria provinciale, zyrat e të cilëve ndodhen në të njëjtën zonë. Ish-kryeministri Imran Khan e dënoi gjithashtu shpërthimin, duke e quajtur atë një "sulm vetëvrasës terrorist".

"Është e domosdoshme që të përmirësojmë mbledhjen tonë të inteligjencës [dhe] të pajisim siç duhet forcat tona të policisë për të luftuar kërcënimin në rritje të terrorizmit", shkroi Khan në Twitter.

Peshavari është kryeqyteti i provincës së paqëndrueshme Khyber Pakhtunkhva, e cila kufizohet me Afganistanin./REL

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Minella Aleksi: Historia nuk përsërit veten, njerëzit shpesh e bëjnë për mirë ose për keq

Minella Aleksi: Historia nuk përsërit veten, njerëzit shpesh e bëjnë për mirë ose për keq

28 Janar, 22:55 nga Minella Aleksi