POP 5

Lajmet më të lexuara të 5 minutave të fundit

Bota

Sulm me bombë në Turqi! Mbesin të plagosur 8 oficerë policie dhe 1 civil

Tetë oficerë policie dhe një civil mbetën të plagosur orët e para të mëngjesit të kësaj të premteje në provincën juglindore të Turqisë, Diyarbakır, pasi një bombë shpërtheu në një automjet në anë të rrugës, ndërsa minibusi i oficerëve kalonte në një autostradë raporton “Daily Sabah”.

Sulm me bombë në Turqi! Mbesin të plagosur 8 oficerë policie dhe 1 civil

Foto nga vendngjarja, nga 'Daily Sabah'

TURQI- Tetë oficerë policie dhe një civil mbetën të plagosur orët e para të mëngjesit të kësaj të premteje në provincën juglindore të Turqisë, Diyarbakır, pasi një bombë shpërtheu në një automjet në anë të rrugës, ndërsa minibusi i oficerëve kalonte në një autostradë raporton “Daily Sabah”.

Shpërthimi ndodhi pranë një tregu bagëtish rreth 10 kilometra në jug të qendrës së qytetit të Dijarbakır. Pas inspektimit të vendit të ngjarjes, autoritetet besonin se një person që parkoi makinën në vendin e ngjarjes ishte ai që vendosi bombën.

“Ka pasur një shpërthim në një automjet të parkuar në orën 5:10 të mëngjesit, ndërsa një automjet policie po shkonte për të punuar në Dijarbakır”, tha ministri i Brendshëm Süleyman Soylu.

Autoritet njoftuan se askush nuk u lëndua rëndë nga shpërthimi, megjithatë, nëntë persona u dërguan në spital për trajtim mjekësor. Guvernatori i Dijarbakirit, Ali Ihsan Su tha se shtatë nga të plagosurit pësuan vetëm lëndime të lehta, ndërsa dy të tjerët ishin nën mbikëqyrjen mjekësore.

Ndërkohë, ministri i brendshëm turk në Twitter tha se dy të dyshuar për lidhje të dyshuara me shpërthimin u arrestuan menjëherë pas incidentit. Zyra e Kryeprokurorit Publik të Dijarbakirit ka nisur një hetim për incidentin dhe njoftoi se tre persona të tjerë u arrestuan gjithashtu, raporton “Daily Sabah”.

S.C/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Vranësira dhe reshje shiu... parashikimi i motit për këtë javë

Vranësira dhe reshje shiu... parashikimi i motit për këtë javë

27 Janar, 07:08