Një shpërthim brenda një xhamie në qytetin veriperëndimor të Pakistanit, Peshaëar, ka të ngjarë të jetë një sulm vetëvrasës dhe sipas raportimeve të deritanishme nga mediat e huaja thuhet se kanë vdekur mbi 59 persona dhe 120 janë plagosur. Një zyrtar i lartë i sigurisë, zëvendës komisionari Shafiullah Khan, konfirmoi numrin e viktimave për televizionin shtetëror, duke shprehur frikën se numri i të vdekurve mund të rritet.
Autoritetet përkatëse konfirmuan se në spital ndodhen për mjekimin e nevojshëm dhjetëra të plagosur dhe e përshkruan gjendjen e disave prej tyre si "kritike". Të mbijetuarit dhe punonjësit e ekipeve të shpëtimit thanë se çatia e ndërtesës u rrëzua nga shpërthimi masiv. Sulmi u dënua nga kryeministri Shahbaz Sharif, por nuk janë dhënë ende detaje mbi natyrën e sulmit. Xhamia frekuentohej nga zyrtarë të sigurisë dhe të qeverisë.
Provinca pakistaneze kufizohet me Afganistanin dhe ka përjetuar sulme të përsëritura terroriste muajt e fundit. Shumica e akteve të dhunës në të kaluarën pretendoheshin nga organizata e jashtëligjshme Tehrik-i-Taliban Pakistani pjesëtarët e së cilës janë të njohur si talibanët pakistanezë.
“Vrasja brutale e muslimanëve që bëjnë sexhde para Allahut është kundër mësimeve të Kuranit”, tha Sharif në një deklaratë, duke shtuar se “vënia në shënjestër e Shtëpisë së Allahut është dëshmi se sulmuesit nuk kanë të bëjnë fare me Islamin. Terroristët duan të krijojnë frikë duke vënë në shënjestër ata që kryejnë detyrën e mbrojtjes së Pakistanit”, tha kryeministri.
Është thelluar bilanci i viktimave në Pakistan. Të paktën 59 persona mbetën të vrarë dhe mbi 150 të tjerë u plagosën gjatë një sulmi me bombë në një xhami në zonën e Pesheëarit në Pakistan, pranë kufirit me Afganistanin.
Nga pamjet e bëra publike duket se një pjesë e murit të xhamisë është shkatërruar tërësisht, ndërsa vazhdojnë kërkimet për trupa që mund të kene mbetur në rrënoja.
Shumë prej viktimave konfirmohet se ishin pjesëtarë të forcave të policisë, që kanë qenë edhe objekt i sulmit. Asnjë grup nuk e ka marrë përsipër sulmin, por besohet se pas tij fshihen forcat talebane.
Autoritetet policore thanë se rreth 300-400 efektivë ndodheshin në zonë në momentin e shpërthimit.
Kryeministri pakistanez Shehbaz Sharif reagoi ashpër pas sulmit duke e dënuar atë. Ai tha se ata që fshihen pas këtij shpërthimi nuk kanë asnjë lidhje me Islamin duke theksuar se i gjithë vendi është I bashkuar kundër kërcënimeve të terrorizmit.
Lajme të tjera
-
Partia e Punëtorëve të Kurdistanit merr përsipër sulmin terrorist në Turqi: ‘U planifikua shumë gjatë, s’kishte motive politike!’ Emrat e autorëve dhe detajet
25 Tetor, 11:41 -
Sulmi në terrorist në Turqi/ Vijojnë bastisjet turke në Siri, 27 të vdekur
25 Tetor, 08:17 -
Sulmi në Ankara/ Turqia bombardon 32 objektiva të terroristëve në Irak dhe Siri (VIDEO)
24 Tetor, 07:26 -
Turqi/ Sulm terrorist në Ankara, shpërthim dhe të shtëna me armë në kompaninë e hapësirës ajrore dhe mbrojtjes, 5 viktima dhe 22 të plagosur
23 Tetor, 15:48 -
Erdhi për turizëm, Shqipëria rrezikon të ekstradojë pakistanezin e dënuar me vdekje (EMRI)
19 Shtator, 15:19
-
Vizita e Papës në Indonezi/ Arrestohen 7 terroristë të dyshuar: Po përgatitnin një sulm, u gjet edhe material propagandistik i ISIS!
7 Shtator, 08:00 -
Alarmi i terrorizmit pas Solingenit, strategjia e re e ISIS: Fëmijë xhihadistë, radikalizim dhe shënjestra rastësore në vende publike
26 Gusht, 09:38 -
Vriten 23 persona në një sulm në jugperëndim të Pakistanit
26 Gusht, 08:26 -
Pakistan/ Persona të armatosur vrasin 11 policë! 7 të tjerë plagosen
22 Gusht, 22:11 -
Sulmi terrorist i planifikuar në koncertin e Taylor Swift në Vjenë, këngëtarja: U frikësova nga kërcënimet
22 Gusht, 17:21 -
Planifikuan sulm terrorist në koncertin e Taylor Swift, policia austriake arreston 2 persona! Njëri nga Maqedonia e Veriut
7 Gusht, 21:19 -
Izrael, sulm terrorist pranë Tel Avivit! Një person sulmon me thikë 4 kalimtarë, 2 vdesin. Vritet dhe atentatori palestinez
4 Gusht, 10:43
