Sulmet e Berishës, Basha çon në gjykatë 5 muaj me vonesë ndryshimet në statutin e PD-së! Ish-Kryeministri i dërgon pas 18 dhjetorit

TIRANË- I gjendur përballë "kërcënimit" serioz të Sali Berishës, i cili dje tregoi "forcën" e tij, Lulzim Basha ka marrë masat, edhe pse 5 muaj me vonesë. Ndryshimet e bëra në Kuvendin e 17 korrikut të statutit, Partia Demokratike i ka çuar për regjistrim në Gjykatën e Tiranës vetëm ditën e djeshme, 13 dhjetor.

Ky vendim ka ardhur vetëm pak orë pas deklaratës së Sali Berishës, i cili nga selia blu tha se ndryshimet e bëra në statut në Kuvendin e 11 dhjetorit "ishin rrugës" për në Gjykatë. Kjo deklaratë ka vënë në lëvizje PD-në zyrtare dhe nga sa mësojnë burime për Report Tv çështja është regjistruar dhe shortuar pranë kësaj gjykate dhe i ka kaluar gjyqtares Blerina Muça. 

"Ditën e djeshme, është depozituar në Gjykatën e Tiranës, Dhoma Civile, kërkesë nga Partia Demokratike e Shqipërisë, për pasqyrimin e ndryshimeve të statutit të Partisë dhe të organeve të reja, të zgjedhura në Kuvendin Kombëtar të datës 17.07.2021. Çështja është regjistruar dhe shortuar pranë kësaj gjykate dhe do t'i nënshtrohet shqyrtimit gjyqësor në bazë në ligjit. Gjyqtare e çështjes është Znj. Blerina Muça", thuhet në njoftim.

Sa i përket ndryshimeve statutore të bërë në Kuvendin e Berishës, mësohet se ato do të dërgohen në Gjykatë javës tjetër, pasi priten rezultatet e asaj që e quajnë referendum në 18 dhjetor. PD-ja gjendet para një situate aspak të lehtë, me 2 statute. Një i bërë në Kuvendin e 17 korrikut dhe një i bërë së fundmi në Kuvendin e Berishës në 11 dhjetor. Të dyja palët nuk njohin statutet e njëra-tjetrës. 

Kuvendi i 17 korrikut, u miratuan të gjitha propozimet e Lulzim Bashës
Kuvendi i 17 korrikut solli 11 ndryshime duke përfshirë zgjerimin e kryesisë me të tjerë anëtarë dhe shtimin e numrit të sekretarëve. Basha krijoi edhe Këshillin Koordinues të Qarkut për organizimet elektorale.
Basha nuk kishte asnjë propozim në lidhje me mandatin e kryetarit (në ndryshim nga Berisha).
Ndryshimet e Kuvendit të Bashës kishin të bënin kryesish me zgjerimin e Kryesisë, Sekretariatit dhe shtimi të strukturës së përhershme  të Këshilli Koordinues i Qarkut, që do të ketë përgjegjësi në organizimin elektoral dhe aksionet e veprimtaritë politike të partisë në nivel qarku. 
Në zgjerimin e Kryesisë është përfshirë edhe Kryetarin e Këshillit Kombëtar, Kryetarin e Bordit Financiar, Kryetarin e Komisionit Zgjedhor dhe Kryetarin e Komisionit të Apelimit, Integritetit dhe Etikes.
Në këtë kryesi është ruajtur edhe respektimi gjinor, ku jo më pak se 30 % e anëtarësisë të jetë grua.
Të gjitha këto propozime të Bashës u miratuan në 17 korrik përmes Statutit të ri me 60 nene. 
Ndryshimet në statutin e PD në Kuvendin e Sali Berishës
Ndryshime në Statut në 2018 dhe 2021 të bëra pas dy humbjeve të rënda nga kryetari në detyrë, në vend të çlironin energji të reja, centralizuan pushtetin në duart e kryetarit duke ja marrë pushtetin organeve kolegjiale.
Parimi 1 anëtar 1 votë me qëllim fuqizimin e anëtarësisë. Kjo për zgjedhjen e organeve në qendër dhe lokale.
Referendumi, vendimet e rëndësishme do merren nga anëtarësia ku i jep demokratëve referendumin që vendosin me demokraci të drejtpërdrejtë.
Për të garantuar dhe forcuar lirinë e fjalës dhe mendimit ,garantohen me parime dhe ne fusim në statut fraksionet.
Kryetari duhet të udhëheqë mbi bazën e vendimeve të tyre por nuk u merr dot tagrat dhe nuk i përdor dot si vulë noteri si me vendimet e fundit.
Duke riformatua në madhësi organet për ti bërë eficente, do bazohet në garën dhe zgjedhjen e anëtarëve me votë të fshehtë.
Rol përcaktues kuvendit dhe këshillit kombëtar. vendime te tyre përcaktojë politikëbërjen dhe aksionin politik.
Të zgjedhurit në organet qendrore do jenë shumicë. 
Organizatat partnere përveç LGD dhe FRPD, është shtuar grupimi dhjetor 90. Ato do kenë akses më të sigurt në listat e kandidimit në pushtetin vendor.

B.K./K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Jurisit: 14/12/2021 13:04

    Dhe te mendosh qe ky palluqja eshte jurist. Hajde leshko hajde.

    Përgjigju
  • Vlonjati: 14/12/2021 11:39

    Po e shkruaj ketu komentin per analistin Lorenc Vangjeli meqenese nuk ekziston mundesia teknike per t'a bere te artikulli perkates. Vangjeli beri nje deklarate se se shpejti mbeshtetesit e Bashes ne PD do japin doreheqje me arsyetimin per te ruajtur paqen ne parti. Shume deklarate e cuditshme kjo. Logjika e tij nuk qendron. Paqja nuk arrihet duke i lene fushebetejen kundershtarit qe perpiqet te shkaterroj cfare i del perpara. Poashtu, nese grupi i Bashes do kishte nje arsyetim sic pretendon Vangjeli, ata do e kishin tashme doreheqjen sepse tensionet kane kohe qe kane shperthyer. Nuk e kam ndjekur shume Vangjelin dhe nuk i njoh mire pikepamjet e tij politike. Gjithsesi, me eshte dukur pak i cuditshem ne disa raste kur e kam hasur ne ekran. Mbaj mend qe ne nje bisede me Berishen ne nje studio televizive, Vangjeli, duke u pozicionuar si kritikues i te shkuares politike te Berishes, i tha doktorrit se "po te ishin kohe te tjera nuk e besoj se do kishe vepruar ne ate menyre" (parafraze). Kjo deklarate interpretohet si nje justifikim per krimet Berishiane nga mbeshtetesit e doktorrit. Eshte efektivisht nje mbeshtetje elegante per Berishen. Eshte poashtu e pafalshme. Tolerimi i firmave piramidale s'ka fare lidhje me kontekstin e kohes sepse mjaft specialiste te ekonomise dhe finances e kuptonin skemen piramidale. Grusht-shteti i 1998-es poashtu s'mund te justfikifohet me kontekstin e kohes. As masakra elektorale e zgjedhjeve te 1996-es. As sjellja mafjoze e Berishes ne 21 Janar dhe ne ditet ne vijim. Vangjeli duhet te bej kujdes me keto qasje te cuditshme sepse analistet politik ne gazetari jane njekohesisht edhe formues opinioni per shoqerine. Duke deklaruar nje kolaps te grupit te Bashes, me nje logjike te dobet, Vangjeli po demton besueshmerine dhe mbeshtetjen publike te Bashes, cka eshte ne interes te Berishes.

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Masakra në Moskë me 143 të vdekur, Ankaraja: Sulmi i ISIS i pamundur pa ndihmën e shërbimeve të huaja

Masakra në Moskë me 143 të vdekur, Ankaraja: Sulmi i ISIS i pamundur pa ndihmën e shërbimeve të huaja