Sulmet në veri të Kosovës, Haradinaj: Të patolerueshme! Duhet të ndalen menjëherë, sulmuesit të dalin para drejtësisë

Kryetari i AAK-së, Ramush Haradinaj ka dënuar sulmet në veri të Kosovës ndaj gazetarëve dhe policisë. Sipas tij, janë të patolerueshme dhe duhet të ndalen menjëherë.

“Dënojmë ashpër sulmet e vazhdueshme në veri të vendit ndaj gazetarëve dhe forcave të rendit, Policisë së Kosovës, KFOR-it dhe Eulexit. Këto sulme, sikur ky i sotëm ndaj gazetarëve të Klan Kosova, janë të patolerueshme dhe duhet që të ndalen menjëherë! Njëherësh, kërkoj nga organet përgjegjëse të jenë më vigjilentë për të garantuar sigurinë fizike të gazetarëve, në menyrë që t’iu mundësohet të punojnë të lirë nga kërcënimet. Sulmuesit të identifikohen dhe të dalin para drejtësisë!”, ka shkruar Haradinaj në Facebook.

LEXO EDHE:
‘BE sanksionoi Prishtinën për shkak të sjelljes së Kurtit’/ Eksperti në Report Tv: Serbia pret fitoren e Rusisë në Ukrainë për të aneksuar veriun e Kosovës

Lajmi kryesor:

Tensionet në veri të Kosovës, Kurti takon krerët e KFOR dhe EULEX-it: Nuk duhet të ketë barrikada në asnjë rrugë

A.M./Shqiptarja.com

TAG:
• tensione ne veri te kosoves
• kosova
• serbi