Izraeli nuk mund t'i imponojë zgjedhjet e tij Hamasit dhe grupi nuk do të pranojë asnjë marrëveshje që nuk garanton siguri për palestinezët’, tha të shtunën (8 qershor) Shefi i Byrosë Politike të Hamasit, Ismail Haniyeh, në përgjigje të ofensivës ushtarake izraelite në zonën Nuseirat të Gazës.
“Populli ynë nuk do të dorëzohet dhe rezistenca do të vazhdojë, do të mbrojmë të drejtat tona përballë këtij armiku kriminal. Nëse pushtimi izraelit beson se mund të na imponojë zgjedhjet e tij me forcë, atëherë është një iluzion’, tha Haniyeh në deklaratën e tij.
Ndërkohë, sipas mediave të huaja, Turqia ka dënuar operacionin e Izraelit kundër kampit të refugjatëve Nuseirat, në qendër të Rripit të Gazës, i cili la mbi 210 palestinezë të vdekur dhe qindra të plagosur.
"Me këtë sulm të fundit barbar, Izraeli ka shtuar një krim tjetër në listën e atyre që ka kryer në Gaza", thuhet në një deklaratë të Ministrisë së Jashtme në Ankara.
Ankaraja kërkon institucionet përgjegjëse për ruajtjen e paqes dhe sigurisë së sigurisë ndërkombëtare, veçanërisht Këshilli i Sigurimit i Kombeve të Bashkuara, të ushtrojë përgjegjësinë e tij për t'i dhënë fund këtyre krimeve nga Izraeli, i cili po gjykohet para Gjykatës Ndërkombëtare të Drejtësisë (GJND) për shkelje të detyrimeve të saj sipas Konventës së Gjenocidit të vitit 1948.
Gaza
Ministria e Shëndetësisë në Gaza, e cila udhëhiqet nga Hamas, ka deklaruar numri i palestinezëve të vrarë nga sulmi izraelit për lirimin e pengjeve, ditën e djeshme, ka shkuar në 274.
Po ashtu, bëhet me dije se numri i plagosurve është 700.
Nga ky sulm i ushtrisë izraelite u bë e mundur lirimi i 4 pengjeve: Noa Argamanit 26 vjeçe, Almog Meir Jan 22 vjeç, Andrey Kozlov 27 vjeç dhe Shlomi Ziv 41 vjeç.
Presidenti i Partisë së Unitetit Kombëtar Benny Gantz do të mbajë një konferencë shtypi në Kfar Maccabiah, në Tel Aviv, këtë mbrëmje në orën 20:00 ndërsa pritet të jap dorëheqjen.
Kjo vjen pasi Gantz anuloi një konferencë shtypi të planifikuar për mbrëmjen e djeshme (8 qershor) në të cilën ai duhej të shpallte lirimin të partisë së tij nga qeveria', sipas 'Times of Israel'.
Dalja e Unitetit Kombëtar nuk do të rrëzonte qeverinë, e cila mban, pa partinë centriste, 64 nga 120 vendet në Knesset, parlamentin izraelit.
Kryeministri i Izrealit Benyamin Netanyahu, i kërkoi dje anëtarit të kabinetit të luftës Benny Gantz, që të mos largohej nga qeveria e emergjencës kombëtare të Izraelit.
“Të mos heqim dorë nga uniteti, duhet të vazhdojmë të tregojmë përgjegjësi”, ishte apeli i kryeministrit në plataformën X.
Anëtari i kabinetit të luftës Benny Gantz, do të mbante një konferencë shtypi për të njoftuar dorëheqjen e tij, në mosmarrëveshje me linjën e kryeministrit për luftën dhe të ardhmen politike të Rripit të Gazës.
Pas bastisjes së ushtrisë që çoi në lirimin e 4 pengjeve, Gantz e anuloi takimin.
Lajme të tjera
-
Netanyahu: Trupat izraelite do të kontrollojnë një zonë neutrale brenda Sirisë për një periudhë të pacaktuar
17 Dhjetor, 21:29 -
Reuters: Netanyahu drejt Kairos për armëpushimin në Gaza
17 Dhjetor, 17:20 -
VIDEO/ Bomba izraelite në Siri shkakton tërmet
16 Dhjetor, 16:06 -
Lufta në Gaza e Siri, Trump telefonatë me Netanyahun: Marrëveshje për pengjet dhe armëpushim, ndryshe...! Al-Jolani takon të dërguarin e OKB
16 Dhjetor, 08:33 -
Izraeli bombardon në Gaza, 20 të vdekur në shkollën e Khan Younis, mes tyre fëmijë! Vritet dhe kameramani i ‘Al Jazeera’, IDF: Ishte anëtar i Xhihadit Islamik
16 Dhjetor, 08:21 -
Izraeli njofton se do të mbyllë ambasadën në Irlandë, shkak qëndrimet e Dublinit për Gazën
15 Dhjetor, 20:42 -
Qeveria izraelite miraton plan për zgjerimin e vendbanimeve në Lartësitë Golan
15 Dhjetor, 19:43 -
Pse Izraeli pushtoi malin më të lartë të Sirisë vetëm disa orë pas rënies së Bashar al-Assadit?
15 Dhjetor, 13:04 -
Shtëpia e Bardhë publikon strategjinë për luftim të urrejtjes kundër myslimanëve dhe arabëve
13 Dhjetor, 10:10 -
Lufta në Gaza/ Sulmi izraelit në kampin e Nuseiratit, numri i viktimave rritet në 33
13 Dhjetor, 07:21 -
Nga Izraeli, bëhen thirrje për ndarjen e Sirisë në tre shtete! Ja cilat janë ato
12 Dhjetor, 17:18 -
OKB miraton rezolutë për armëpushim të menjëhershëm në Gaza, pranohet nga shumica! Izraeli dhe SHBA kundër
12 Dhjetor, 13:54
