TIRANË- Pas sulmit kibernetik, të gjitha faqet qeveritare online janë rikthyer në normalitet të plotë. Pas pothuajse tre javësh, shërbimet online janë tashmë të aksesueshme për qytetarët dhe bizneset. Agjencia Kombëtare e Shërbimit të Informacionit njofton se aktualisht në e-Albania janë të aksesueshme 1214 nga 1225 shërbime online.
Konkretisht, janë të akesueshme shërbimet e:
-Aplikimit të formularit për lëshim për herë të parë ose rinovim të pasaportës
-Deklarimit të humbjes së dokumenteve të ndryshme
-Ndihmës ekonomike për individët dhe vërtetimit mbi masën e përfitimit të ndihmës ekonomike
-Kërkesës për të përfituar nga programet e strehimit social
-Lista e notave dhe vërtetimi i diplomës për studentët që kanë ndjekur Universitetin e Tiranës.
AKSHI bën me dije se po punohet për të rikthyer edhe shërbimet e mbetura, siç janë: njehsimi i diplomave dhe certifikatave të lëshuara nga institucionet e huaja; vërtetimi i pagesës së aftësisë së kufizuar si dhe kryerja e pagesave të ujit dhe energjisë elektrike. Ndërkohë, që thekson se nga dita e hënë mund të aplikohet për Leje Ndërtimi (e-Lejet), vlerësimi të ndikimit në mjedis dhe përdorimit të burimeve ujore.
Sistemet elektronike të rikthyera se fundmi në funksionalitet të plotë janë:
- Sistemi i Qendrës së Botimeve Zyrtare;
- e-Inspektimi;
- Sistemi i menaxhimit të informacionit për burimet njerëzore të administratës;
- Sistemi elektronik i ndihmës ekonomike.
AKSHI njofton se është funksionale posta elektronike zyrtare për të gjithë punonjësit e administratës.
Shërbimet publike online dhe faqet qeveritare u mbyllën përkohësisht për shkak të një sulmi kriminal kibernetik të sinkronizuar dhe të sofistikuar nga jashtë Shqipërisë. Burime për Report Tv bënë me dije se ka dyshime që sulmi mund të jetë rus. Kjo vjen pas sanksioneve që ka vendosur Shqipëria ndaj Rusisë dhe qëndrimin që mban për luftën në Ukrainë.
Sulmi klibernetik në platformat qeveritare online ka ardhur nga e njëjta dorë që ka bërë sulmet vitin e fundit në shumë vende evropiane. Kështu deklaroi Kryeministria përmes një njoftimi të shpërndarë për mediat të hënën. Qeveria garantoi të gjithë shqiptarët se reagimi ka qenë i shpejtë dhe të gjitha faqet dolën të paprekura dhe janë të sigurta.
Disa ekspertë të Microsoft iu përgjigjën menjëherë kërkesës së AKSHI-t për të reaguar ndaj këtij sulmi që synonte fshirjen e të gjitha sistemeve kritike të rëndësishme qeveritare së bashku me të dhënat në to por falë reagimit të shpejtë nuk u humb asnjë e dhënë. Ndër të tjera, ka nisur hetimi i thellë dhe i detajuar i këtij krimi kibernetik nga Microsoft DART, edhe nga organet kompetente që bashkë po punojnë ngushtësisht me FBI-në. Kryeministri Edi Rama tha se në procesin e mbrojtjes është përfshirë edhe NATO.
Komente
Lajme të tjera
-
Bashkia Tiranë hap aplikimet për 1200 kredi të buta! Ja kriteret dhe procedurat për familjet dhe individët në nevojë për strehim
12 Dhjetor, 15:12 -
'Gati marrëveshja me Emiratet për transformimin e shtypshkronjave të letrave me vlerë', Rama: IA do monitorojë gjithçka ndodh nëpër rrugë! Policia do bëhet e padukshme
10 Dhjetor, 11:08 -
‘2 miliardë transaksione të fiskalizimit janë analizuar me IA’, Karçanaj: Gati moduli për transpozimin e direktivave të BE-së! Vitin tjetër asistent virtual në e-albania
10 Dhjetor, 10:25 -
'Dezinformimi nga shtetet armiqësore!' Braçe: Në Kuvend ka ardhur një listë e gjatë e mediave online e tradicionale që bien pre apo vihen në dispozicion
13 Nëntor, 17:47
-
Rregullat e reja për sezonin veror 2025/ Kumbaro: Prioritet plazhet publike, bashkitë riorganizojnë dhe menaxhojnë hapësirat! Më 15 nëntor hapet aplikimi
6 Nëntor, 13:01 -
Terrorizëm kibernetik ndaj një spitali në Shqipëri, hakerat nga Koreja e Veriut shkatërruan laboratorë e pajisje (Shërbimet u rikthyen)
24 Tetor, 17:36
-
Sulm kibernetik në objektet bërthamore, Irani: E paprecedentë! Është vjedhur sasi e madhe informacioni
12 Tetor, 15:05 -
Italia dhe Shqipëria nënshkruajnë marrëveshjen për bashkëpunim në fushën e sigurisë kibernetike
26 Shtator, 22:06 -
Risitë e e-Albania, Repishti: Për herë të parë online certifikata e vaksinimit të fëmijëve
9 Shtator, 21:32 -
Qeveria kërkon ngritjen e bordit këshillimor pranë AKSHI-t dhe rritjen e pagave për punonjësit! Balla: Duhet të ngjajë me strukturat që veprojnë me Silicon Valley! Drejt mbylljes sportelet ADISA
3 Shtator, 19:27 -
Kartela e vaksinimit të fëmijëve e aksesueshme në e-Albania
3 Shtator, 13:56 -
Rihapet regjistrimi për nxënësit në klasë të parë dhe klasë të dhjetë, afati deri në 6 shtator
2 Shtator, 10:42
Nuk punojne faturat e energjise.
PërgjigjuNuk hapet jashte Shqiperise.
PërgjigjuGjithcka ne normalitet thojne, sherbimet me kryesore nuk funksionojne, se kuptoj pse rrejne
PërgjigjuGenjeni. Nga jashte Shqiperise nuk aksesohet fare e-Albania, pra asnje sherbim.
PërgjigjuUhm… non riusciamo a trovare questo sito. Te pakten te hapet nga Tirana!!!