Sulmi kibernetik i Iranit ndaj Shqipërisë, Meta: E dënoj me forcë, qeveria e vonuar me vendimin

Për kreun e Partisë së Lirisë Ilir Meta, vendimi i Shqipërisë në lidhje me sulmin kibernetik të Iranit ndaj vendit tonë është i vonuar. Me anë të një postimi në Tëitter, Meta u shpreh se dënon sulmin të cilin e quajti shkelje së sigurisë kombëtare. Ish presidenti shtoi se ngjarja duhet të nxisë vigjilencën

“Dënoj edhe një herë me forcë shkeljen e fundit të sigurisë kombëtare të Shqipërisë nga Republika Islamike e Iranit. Reagimi i sotëm i qeverisë shqiptare për ndërprerjen e marrëdhënieve diplomatike është korrekt por shumë i vonuar. Sulmi kibernetik dhe qëllimi keqdashës nga ky vend duhet të nxisin vigjilencën, përgatitjen dhe bashkëpunimin serioz të Shqipërisë me NATO dhe BE-në, në marrjen e të gjitha masave për të garantuar sigurinë dhe mbrojtjen e qytetarëve dhe vendit”, shkruan Meta në Twitter.

LEXO EDHE:
Sulmi ndaj Izraelit, SHBA dhe BE gati sanksionet e reja ndaj Iranit! Blinken bisedë me kryeministrin e Katarit: Duhet shmangur përshkallëzimi

Lajmi kryesor:

Shqipëria prish marrëdhëniet me Iranin, opozita: Vendim i drejtë, por i vonuar! Basha: Dëshmi e bashkëpunimit me SHBA dhe NATO-n

K.T./Shqiptarja.com

TAG:
• iran
• Irani sulme kibernetike Shqipërisë
• Jorida Tabaku
• agim nesho