Sulmi kundër KZAZ-së/ PD: SHBA e futi në listën e zezë, Rama e vuri shef për Shkodrën gangsterin Tom Doshi

Partia Demokratike në një reagim të dytë thotë se ajo që ndodhi në Vaun e Dejës sonte është skenar i Edi Ramës, ndërsa akuzon edhe deputetin Tom Doshi, të zgjedhur në 2017 nga lista e PSD-së në koalicion me PS-në.

"Partia Demokratike dënon skenarin kriminal të Edi Ramës për inkriminimin e opozitës dhe identifikimin e saj me dhunën që ka planifikuar vetë.  Emërimi i Tom Doshit si shef i shtabit politik për Shkodrën, nga Edi Rama, është emblema e qeverisë për 30 Qershorin. Një individ, në listën e zezë të Shteteve të Bashkuara, është garancia që Edi Rama i jep krimit për të bashkëqeverisur.

Duke qenë se e ka dërguar si përfaqësues në KZAZ për të dhënë direktiva për 30 Qershorin, për të bërë herë si politikan, herë si gangster, herë si hsef policie, le ta ngarkojë edhe si prokuror që të shpallë armik atë që ka caktuar partia. Partia Demokratike shpreh keqardhjen për policët e dëmtuar sonte, si dhe i inkurajon ata të bejnë publik çdo informacion qe zbulon planin kriminal të Edi Ramës për përplasje civile" thuhet në njoftimin e PD-së.

Lajmi kryesor:

Sulmi me molotov në KZAZ-në e Vaut të Dejës, LSI distancohet, PD: S'janë tanët! Rama: Ndëshkim shembullor

TAG:
• bushat
• Sander Lleshaj
• kzaz 6
• Sulmohen KZAZ-të