Sulmi kundër KZAZ-ve,Balla:Vandalë e terroristë!Basha e mbylli karrierën me lobimin rus

Kryetari i grupit të PS-së Taulant Balla thotë se Lulzim Basha nxori përgjimet e Dibrës si armë pas skandalit të lobimit rus në SHBA. Ai tha se Basha e ka zhytur PD-në në moçal rus dhe se e ka mbyllur karrierën politike. Balla i cilësoi si vandalë dhe terroristë bashkiakët e opozitës që sulmuan KZAZ-të.

“Punonjësi i policisë Emiljano Nuhu ka fituar azil, por prokuroria e ka marrë të pandehur për kallëzim të rremë .Lul Basha e gazetari i tij Collaku mund t’ ja hedhim me gjobë. Pare ke bërë boll, do e paguash gjobën. Kjo është historia, edhe te përgjimet, kush mendon se ka të re e ka gabim, hapni procesverbalet e kuvendit. Nuk ka ndodhur një herë të vetme. E provoi me Babalen nuk i eci, të gjithë e dimë që ishte inskenim i turpshëm. Tani i eksportoi përgjimet. Bild i ka marrë të gatshme ishin ruajtur për një ditë të zezë. Ka ditë me të zezë se kjo për Lulzim Bashën.

Basha e ka mbyllur karrierën e vet politike. Në 28 vite në këtë vend askush nuk do kishte pasur parashikimin më ogurzi. Teksa kemi qenë në fushatë Basha ka marrë 1 mln $ nga burime oligarkësh rusë. Ky është halli i Bashës, s’ka tjetër. E ka zhytur PD në moçale ruse, duhej përdorur edhe arma 184 që e ka pasur aty që në nisje të fushatës. Pse nuk u hap, të shërbente si provë për ankimimin e Dibrës?

Më 30 qershor zgjedhjet do të zhvillohen dhe kush guxon, si ata vandalë, terroristë, që sulmojnë shkollat, do marrin dënimin që meritojnë" tha Balla.

Lajmi kryesor:

Rama: Në Shkodër mbase plan për një tjetër 2 prill! Hajdari: Pse këmbëngulni me 30 qershorin? S'duam viktima /VIDEO

TAG:
• edi rama
• voltana ademi
• Rudina Hajdari
• Pergjimet e Bild per Dibren
• seanca e kuvendit 20 qershor
• zhdekretimi i 30 qershorit
• Sulmohen KZAZ-të