Sulmi me armë në SHBA, zbulohet kush është autori, i plagosur edhe një shqiptar

Vendi ku ndodhi ngjarja ne SHBA

SHBA-Nga sulmi me armë zjarri në Florida kanë humbur jetën dy persona ndërsa 11 janë të plagosur. Fillimisht u raportua se ishin katër të vdekurit, por autoritetet konfirmojnë se janë dy. Ndërsa autori i vrasjeve David Katz, 24-vjeçar nga Baltimore pas ngjarjes u vetëvra.

Ai hapi zjarr në një kompleks argëtimi në Jacksonville të Floridës gjatë një turneu video-lojërash. Mes personave që u plagosën ishte edhe një shqiptar, Drini Gjoka. 19-vjeçari, fitues i edicionit të kaluar, ishte pjesëmarrës në turneun e video-lojërave. Pas ngjarjes ai u shpreh se ‘kjo ishte dita më e keqe e jetës së tij, ndërsa plumbi e kishte gabuar në gishtin e dorës’.

Turneu ‘online’ i Madden-it, që po zhvillohej është një video-lojë e dedikuar futbollit amerikan NFL. Turneu po transmetohej LIVE në rrjetet sociale, por është ndërprerë në momentin që autori u fut në kompleks duke hapur zjarr.

d.ba./Shqiptarja.com
  • Sondazhi i ditës:

    A duhet të ketë ndryshime në qeveri?

Komento


×

Lajmi i fundit

John

Dëshmitë e protagonistëve, në federatë vijon mbledhja për ndeshjen e dyshuar si të trukuar