POP 5

Lajmet më të lexuara të 5 minutave të fundit

Politikë

Sulmi në Konsullatën e Shqipërisë në Ukrainë, MEPJ: Dënojmë lajmet e rreme nga Rusia për ta mohuar

Ministria e Jashtme ka dënuar ashpër deklarata e Rusisë që kanë mohuar se kanë bombarduar Konsullatën e Nderit të Shqipërisë në Kharkiv. "Pamjet flasin vetë", shkruhet në reagim, duke thënë se sulmi ndaj kësaj Konsullate është një shkelje flagrante e Konventës për Marrëdhëniet Konsullore, por po aq e rëndë sipas tyre është edhe dezinformimi dhe lajmet e rreme.

Sulmi në Konsullatën e Shqipërisë në Ukrainë, MEPJ: Dënojmë lajmet e rreme nga Rusia për ta mohuar

Konsullata e Nderit të Shqipërisë në Kharkiv e shkatërruar

TIRANË- Ministria e Jashtme ka dënuar ashpër deklarata e Rusisë që kanë mohuar se kanë bombarduar Konsullatën e Nderit të Shqipërisë në Kharkiv. "Pamjet flasin vetë", shkruhet në reagim, duke thënë se sulmi ndaj kësaj Konsullate është një shkelje flagrante e Konventës për Marrëdhëniet Konsullore, por po aq e rëndë sipas tyre është edhe dezinformimi dhe lajmet e rreme.

"Shqipëria dënon përdorimin e lajmeve të rreme nga Rusia për të mohuar bombardimin e Konsullatës së Nderit të Shqipërisë në Kharkiv. Pamjet e shembjes flasin vetë. Ky shkatërrim i ambienteve si dhe i dokumenteve në arkiva është një shkelje flagrante e nenit 61, kreu III i Konventës së Vjenës për Marrëdhëniet Konsullore. Dezinformimi dhe lajmet e rreme për këtë sulm janë të papranueshme", thuhet në njoftim.

Më herët, me anë të një deklarate të Maria Zakharova zëdhënëse e Ministrisë së Jashtme të, rusët deklaruan se nuk kishin bombarduar konsullatën tonë, madje mohuan edhe bombardimin e strukturave civile në Ukrainë.

“Ministria për Evropën dhe Punët e Jashtme e Shqipërisë dënoi sulmet që pretendohet se janë të kryera nga forcat ruse më 6 mars, si pasojë e të cilave u dëmtuan ambientet e Konsullatës së Nderit të Shqipërisë në Kharkov. Ne refuzojmë me vendosmëri akuza të tilla. Që nga fillimi i operacionit special në Ukrainë kemi deklaruar se Forcat e Armatosura të Rusisë nuk qëllojnë objektet e infrastrukturës civile, synojnë të përjashtojnë humbjen e jetëve në mesin e popullatës civile. Ne kërkojmë informimin e vërtetë të publikut“, u shpreh Maria Zakharova, zëdhënëse e Ministrisë së Jashtme të Rusisë.

Konsullata e Nderit të Shqipërisë në Kharkiv u bombardua në 6 mars, ku Ministria e Jashtme ka dënuar sulmin duke bërë fajtor rusët, teksa publikoi edhe video nga godina e shkatërruar. Shqipëria është rreshtuar krah Ukrainës në këtë luftë dhe mbështetjen e saj e ka treguar edhe duke iu bashkuar sanksioneve që i janë vendosur Rusisë.

Postimi i pplotë i Ministrisë së Jashtme

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Populli: 18/03/2022 10:47

    Ģoja llap dhe shpina dap(fut dajak)

    Përgjigju
  • Mondi: 17/03/2022 18:40

    Jo shqiperia nuk i ve dot sanksione rusise por ja futi vetes .u beme me katolik se papa qe ti servilosemi europes dhe amerikes.ne europe dhe ne amerike shkohet me dinjitet e jo duke goditur me gure te tjeret

    Përgjigju
  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Tabaku: Politikat e qeverisë po shkatërrojnë bujqësinë shqiptare

Tabaku: Politikat e qeverisë po shkatërrojnë bujqësinë shqiptare

26 Janar, 10:24