POP 5

Lajmet më të lexuara të 5 minutave të fundit

Bota

Sulmi në qendër të Parisit, ‘shpërthejnë’ protestat nga Kurdët! Kërkojnë që atentatori të shpallet terrorist! I ati i autorit: Im bir është i çmendur

Vrasja e tre kurdëve dhe plagosja e disa të tjerëve të premten, në Paris, ka sjellë protesta nga ana e komunitetit kurd. Ata kërkojnë që atentatori të shpallet terrorist, ndërsa i ati i atentatorit thotë se i biri është thjesht një i çmendur dhe idiot

Qindra kurdë u mblodhën për të protestuar në Paris pas ngjarjes së rëndë ku tre pjesëtarë të komunitetit të tyre mbetën të vrarë.

Protesta degjeneroi në dhunë, ndërsa disa makina u shkatërruan dhe pati përleshje me policinë që përdori gaz lotsjellës për të shpërndarë turmën e irrituar.

“Ndihemi të frikësuar”, tha për mediet franceze një avokat kurd.

Më herët, presidenti francez Emmanuel Macron tha se "kurdët në Francë kanë qenë objektivi i një sulmi të urryer në zemër të Parisit" dhe urdhëroi shefin e policisë së Parisit të takohet me liderët e komunitetit.

Përfaqësuesit kurdë, të cilët u takuan me shefin e policisë së Parisit të shtunën në mëngjes, përsëritën thirrjen e tyre që të shtënat e së premtes të konsiderohen si një sulm terrorist.

Të premten, një person i armatosur, 69 vjeçar, qëlloi mbi një grup njerëzish duke lënë 3 të vdekur, një grua dhe dy burra, dhe disa të plagosur, të gjithë të etnisë kurde.

Mediat franceze shkruajnë se sulmi dyshohet të ketë edhe motive raciste. “Ai është i çmendur, është një idiot”, citohet të ketë thënë babai i tij për një nga televizionet franceze. Kurdët janë populli më i madh në botë pa shtet. Ata janë një grup etnik që i përkasin fesë islame dhe të shtrirë në Siri, Turqi, Irak dhe Iran.

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Sarandë/ Sherri masiv në fshatin Gjashtë, arrest me burg për 2 policët, të tjerët ‘detyrim paraqitje’

Sarandë/ Sherri masiv në fshatin Gjashtë, arrest me burg për 2 policët, të tjerët ‘detyrim paraqitje’

5 Janar, 17:27