Sulmi terrorist në Ankara, Ministri i Brendshëm turk: Policët e plagosur janë jashtë rrezikut për jetën

Ministri i Brendshëm turk, Ali Yerlikaya, përmes një postimi në rrjetet e tij sociale tha se policët që u plagosën në sulmin terrorist në Ankara janë jashtë rrezikut për jetën.

“Vazhdon trajtimi i policëve tanë trima Alim Reis Demirel dhe Erkan Karatas, të cilët mbetën të plagosur në një sulm të poshtër terrorist para hyrjes së Drejtorisë së Përgjithshme të Policisë në MPB. Mund të them se jeta e tyre është nuk është në rrezik. I uroj shërim të shpejtë heronjve tanë", shkroi Yerlikaya, raporton media turke Anadolu.

LEXO EDHE:
VIDEO/ Rey Manaj 'pa frena', shënon golin e 22-të në Turqi dhe fiton kundër Cikalleshit

Ai gjithashtu shtoi duke thënë se ata do të vazhgdojnë të luftojnë kundër terrorizmit dhe organizatave të krimit.

"Lufta jonë kundër terrorizmit, bashkëpunëtorëve të tyre, bandave dhe organizatave të krimit të organizuar do të vazhdojë me vendosmëri”, shkroi Yerlikaya.

Dy terroristë, të cilët kanë mbërritur me një automjet të vogël para hyrjes së Drejtorisë së Përgjithshme të Policisë në Ankara, kanë kryer një sulm me bombë në orën 9:30 të mëngjesit të sotëm me orën lokale. 

Njëri nga terroristët hodhi veten në erë, ndërsa terroristi tjetër u neutralizua. Gjatë zjarrit të hapur janë plagosur edhe dy policë turq. Prokuroria në Ankara ka nisur hetimet për sulmin terrorist.

Lajmi kryesor:

VIDEO/ Turqi, sulm me bombë afër parlamentit! Erdogan: Terroristët nuk do të kenë kurrë sukses! Partia e Kurdistanit merr përsipër autorësinë

S.S/Shqiptarja.com

TAG:
• Sulm terrorist
• turqi