Sulmi terrorist në Ankara, Stoltenberg: NATO qëndron pranë Turqisë në luftën kundër terrorizmit

Sekretari i Përgjithshëm i NATO-s, Jens Stoltenberg, ka reaguar në lidhje me sulmin terrorist në Ankara, ku mbetën të plagosur dy policë. Përmes një postimi në llogarinë e tij në X, Stoltenberg, dënoi ashpër sulmin dhe i uroi shërim të shpejtë policëve. Sipas tij, NATO qëndron pranë Turqisë në luftën kundër terrorizmit.

“Dënoj ashpër sulmin e sotëm terrorist në ministrinë e Brendshme në Ankara, dhe i uroj shërim të shpejtë policëve të lënduar në krye të detyrës. NATO qëndron pranë Turqisë në luftën kundër terrorizmit”, shkroi Stoltenberg.

LEXO EDHE:
VIDEO/ Rey Manaj 'pa frena', shënon golin e 22-të në Turqi dhe fiton kundër Cikalleshit

Në prag të nisjes së sesionit të ri parlamentar, Turqia është tronditur nga një sulm terrorist në Ministrinë e Punëve të Brendshme. Si pasojë e sulmit terrorist janë plagosur dy policë. Dy ishin agresorët, njëri prej të cilëve vdiq pasi hodhi veten në erë me bombë, ndërsa tjetri u neutralizua nga efektivët e policisë. 

Lajmi kryesor:

VIDEO/ Turqi, sulm me bombë afër parlamentit! Erdogan: Terroristët nuk do të kenë kurrë sukses! Partia e Kurdistanit merr përsipër autorësinë

S.S/Shqiptarja.com

TAG:
• jens stoltenberg
• turqi
• Sulm terrorist