Sulmi terrorist në Turqi, PKK merr përgjegjësinë: U krye një akt sakrifice

Partia e Punëtorëve të Kurdistanit (PKK) mori përgjegjësinë për sulmin terrorist mëngjesin e sotëm në Ankara, përballë ndërtesës së Ministrisë së Brendshme.

“Një akt sakrifice u krye kundër Ministrisë së Brendshme turke nga një grup i lidhur me Brigadën e të Pavdekshmëve”, tha grupi i armatosur për median e lidhur me kurdët ANF.

LEXO EDHE:
VIDEO/ Rey Manaj 'pa frena', shënon golin e 22-të në Turqi dhe fiton kundër Cikalleshit

PKK është klasifikuar si organizatë terroriste nga Turqia dhe shumë vende perëndimore, raporton agjencia e lajmeve turke Newsbulletin.

Më herët për këtë sulm, reagoi edhe Presidenti turk, Erdogan, i cili tha se terroristët nuk do t’i arrijnë kurrë qëllimet e tyre në Turqi.

“Ne i kemi mbajtur të gjitha premtimet që i kemi bërë BE-së, por ata nuk kanë mbajtur pothuajse asnjë prej tyre. Nëse ata synojnë t'i japin fund procesit të pranimit që ekziston vetëm në letër, ky është vendimi i tyre. Akti i sotëm terrorist në Ankara, në të cilin dy kriminelë u neutralizuan falë ndërhyrjes në kohë të policisë, është valëvitja e fundit e terrorizmit. Terroristët që përpiqen të shkatërrojnë paqen dhe sigurinë e qytetarëve nuk do të kenë kurrë sukses”, tha Erdogan.

Zemërimi i presidentit buron nga një vendim i fundit i Gjykatës së tij Evropiane të të Drejtave të Njeriut, i cili kritikoi Turqinë këtë javë për dënimin e një njeriu për terrorizëm me bazën e vetme se ai përdori aplikacionin e koduar të mesazheve ByLock.

Lajmi kryesor:

VIDEO/ Turqi, sulm me bombë afër parlamentit! Erdogan: Terroristët nuk do të kenë kurrë sukses! Partia e Kurdistanit merr përsipër autorësinë

S.S/Shqiptarja.com

TAG:
• Sulm terrorist
• turqi