POP 5

Lajmet më të lexuara të 5 minutave të fundit

Kosova & Rajoni

Sulmoi me acid partnerin në hotel, flet 38-vjeçarja për mediat greke: Pranoi të ndahej me kushtin që të mos kem burrë tjetër ose do më vriste

“Është acid, e kam blerë 100 euro në internet”, kështu deklaroi 38-vjeçarja pas sulmit ndaj partnerit të saj në një hotel të Greqisë.

Sulmoi me acid partnerin në hotel, flet 38-vjeçarja për mediat greke: Pranoi të ndahej me kushtin që të mos kem burrë tjetër ose do më vriste

38-vjeçarja që sulmoi partnerin

“Është acid, e kam blerë 100 euro në internet”, kështu deklaroi 38-vjeçarja, identiteti i së cilës nuk dihet, pas sulmit ndaj partnerit të saj në një hotel në qytetin grek, Heraklion. Ajo dërgoi provat nga kompania e transportit për të vërtetuar pretendimet e saj se acidit e ka blerë në mënyrë të ligjshme online. Pas komunikimit me avokatin e saj, ka pranuar se të hënën do të vetëdorëzohet në polici.

E kontaktuar nga media greke, tregoi detajet e përplasjes me partnerin 36-vjeçar duke thënë:

“Më godiste dhe largohej. E bëra për ndarjen. Ai pranoi të ndahej me mua por më vuri kusht që të mos lidhesha me asnjë burrë tjetër. Ai do më lejonte të rilidhesha vetëm me ish-burrin tim por donte të më shihte sa herë të donte. Kjo është e gjithë e vërteta dhe me prova. Më tha se do më vriste nëse do vazhdoja të bëja jetën time. Unë kam përjetuar vetëm kërcënime dhe dhunë prej tij”.    

Aktualisht ndodhet e fshehur në një vend të sigurt ndërsa thotë se nuk mungon frika e hakmarrjes nga anëtarët e familjes së viktimës. E pyetur përse nuk ka kryer denoncime ndaj tij, u shpreh:

“Kam paditur vëllain e tij gushtin e kaluar për dhunë në familje. Një vëlla tjetër i tij më ka rrahur, por unë nuk e kam paditur kurrë. Familja e tij nuk më donte fare. Ata donin të na ndanin. Ai pranoi të ndahej në një zënkë, unë e dëbova nga shtëpia ime. Të jem vetëm ose me ish-burrin tim”.

38-vjeçarja tregon se 36-vjeçarin e ka takuar 4 herë brenda një muaji e gjysmë në hotelin ku ndodhi sulmi me acid. 

“Ai pranoi të ndahej pas sherrit sepse familja e tij nuk më donte, por me kusht që të jem vetëm ose do të më vriste”, përfundon ajo.

Ish partneri i saj ka djegie në 10-12% të fytyrës duke përfshirë zonën e syve, ndërsa gjendja e tij nga mjekët vlerësohet në gjendje të qëndrueshme dhe nuk është në rrezik për jetën.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    'Rasti Qefalia', a fshihen gjobat pas akuzave të Këlliçit, Nokës, opozitës?

Lajme të tjera



×

Lajmi i fundit

Kërkoi hetime për vrasjen e Faton Hajrizit dhe arratisjet nga burgjet, ministrja e Drejtësisë merret në pyetje nga Prokuroria Speciale

Kërkoi hetime për vrasjen e Faton Hajrizit dhe arratisjet nga burgjet, ministrja e Drejtësisë merret në pyetje nga Prokuroria Speciale

22 Korrik, 17:31