Gert Shehu, 31-vjeçari i cili sulmoi fizikisht Sali Berisha më 6 dhjetor është lënë në burg nga gjykata, teksa masat e sigurisë ndaj tij u dha në ambientet e spitalit të Traumës. Shehu prej së martës po kurohet pas goditjeve nga truprojat e Berishës. Pasi gjendja e tij të përmirësohet pritet që të transferohet në qeli.

Aktualisht, Gerti Shehu është i shtruar në pavijonin e ORL tek spitali o Traumës. Para dy ditësh është dërguar tek spitali i burgut, por nuk e kanë pranuar dhe është rikthyer sërish tek Trauma. Gjendja e tij është shumë e mire, nuk ka asnjë problematikë, ndërsa ruhet nga forca të shumta policie. Avokati Ervis Lila i përzgjedhur nga familjarët e Gert Shehut ka kërkuar një masë më të lehtë ndaj tij. 

Avokati i Gert Shehut thotë se akti i ekspertimit psikik për klientin e tij do të jetë përcaktues në këtë proces. 

"Ne e kemi kërkuar të zgjerim, të përfshihen edhe ekspertë të tjerë. Klienti im kurohej, ia kishte dhënë mjeku kurën.  Ai ishte i pranishëm në seancë por nuk pati asnjë qëndrim.  Akti i ekspertimit do të jetë shumë përcaktues, ndërkohë që prokuroria nuk ka bërë ende asnjë ekspertimi”, tha avokat Ervis Lila.  

Ish kryeministri Sali Berisha gjatë protestës së 6 dhjetorit të cilën e kishte parashikuar prej ditësh, u godit me grusht në fytyrë nga Gert Shehu, 31 vjeç i cili vuante me problemet të shëndetit mendor. Gjithsesi, pavarësisht se ditën e djeshme, politika u bë 'bashkë' pavarësisht ndasive dhe dënoi njëzëri sulmin ndaj Berishës, kreu i foltoreve, bëri fajtor Edi Ramën. Ky version, u pa edhe nga pjesëtarë të Rithemelimit dhe një pjesë të Partisë Demokratike. 

Ndërkohë pavarësisht paraqitjes së dokumentit nga ana e mjekut Sadik Lala, ku shfaqej se 31 vjeçari, Gert Shehu vuante nga një “Çrregullim psikotik i papërcaktuar”, Rithemelimi këmbëngul se 31 vjeçari është oficer i policisë kriminale dhe është urdhëruar për të goditur ish kryeministrin. Nga ana tjetër, kryeministri Edi Rama ka reaguar ditën e djeshme për ngjarjen e ndodhur dhe ka kërkuar që të zbardhet akti i sulmit që e konsideroi të pajustifikueshëm.

Rendit zhvillimet sipas orarit:
Ora 12:56
Gert Shehu në burg, avokati: Kemi kërkuar akt ekspertimi të zgjeruar për gjendjen e tij psikike

 

Avokati i Gert Shehut që qëlloi Berishën në protestën e 6 dhjetorit thotë se akti i ekspertimit psikik për klientin e tij do të jetë përcaktues në këtë proces.

“Ai vazhdon të jetë në spitalin e Traumës. Do ta përcaktojnë mjekët për dëmtimet. Nuk ishte në gjendje të vinte në gjykate. Akti i ekspertimit psikiatrik do të jetë përcaktues. Ne e kemi kërkuar të zgjerim, të përfshihen edhe ekspertë të tjerë.  Klienti im kurohej, ia kishte dhënë mjeku kurën.  Ai ishte i pranishëm në seancë por nuk pati asnjë qëndrim.  Akti i ekspertimit do të jetë shumë përcaktues, ndërkohë që prokuroria nuk ka bërë ende asnjë ekspertimi”, tha avokat Ervis Lila.  

Sa i përket arsyeve se pse klienti i tij e bëri gjestin avokati thotë se “Do të doja ta kisha një përgjigje. Por për mua e gjithë analiza do të bëhet pasi të bëhet ky akt ekspertimi.  A ka falur publikisht edhe Berisha. Për mua është rrethanë cilësuese”.

K.T./Shqiptarja.com

Ora 12:30
Goditi me grusht Sali Berishën, Gert Shehut i komunikohet masa ‘arrest me burg’ në spital

1670401052_finalprojekt.00241303.Still001.jpg

Gert Shehu, 31-vjeçari që qëlloi me grusht Sali Berishën, do të mbetet në burg pasi të dalë nga spitali i Traumës ku ndodhet i shtruar. Atij i është komunikuar pak më parë në spital masa e sigurisë.

K.T./Shqiptarja.com