KUKËS-Gjykata ka caktuar masën e sigurisë 'arrest shtëpie' për katër personat e arrestuar katër ditë më parë për sulmin mbi KZAZ-në numër 11. Ahmet Cahani 46 vjeç, shofer ne Bashkine e Kukesit, Ermal Haziri 42 vjeç, po shofer ne Bashkine e Kukesit, Ersi Biçaku 26 vjeç, inspektor i policisë Bashkiake dhe Ervin Meshi, 35 vjeç, militant i PD-së tashmë do të hetohen në arrest shtëpie.
Ata u arrestuan pasi sulmuan KZAZ-në te gjimnazi 'Hazi Nela', ku në bashkëpunim me njeri tjetrin shkatërruan derën e palestrës dhe i vunë zjarrin në oborr, ndërsa kundërshtuan policinë. Tre punonjësit dhe militanti opozitar dolën sot para gjykatës, e cila pranoi kërkesën e prokurorisë për t'i lënë në arrest shtëpie. Dje u shoqërua edhe Lulëzim Shehu punëtor gjelbërimi në bashkinë Kukës.
Ndërsa janë shpallur në kërkim 6 pjesëmarrës të tjerë dhe 4 janë proceduar në gjendje të lirë. Në momentin që po jepej masa e sigurisë, jashtë gjykatës ishin mbledhur drejtues të PD-së dhe militantë duke kërkuar lirimin e tyre me thirrjet 'Rama ik', pasi arrestimin e cilësuan si politik. Gjykata e qytetit të Shkodrës dje caktoi masën e sigurisë 'arrest shtëpie' për ish-deputetin e Partisë Demokratike, Bardh Spahia, lidhur me sulmin në shkollën "Shejnaze Juka", e shndërruar në KZAZ.
Gjykata e Kavajës ka lënë në burg dy persona, të cilët janë identifikuar për sulmet e bëra ndaj KZAZ-së numër 42. Në burg janë lënë Arben Xhihanin dhe Ervin Bakllin, mbështetës të PD-së. Ndërkohë, është caktuar masa e sigurisë "detyrim paraqitje" për 4 të arrestuarit e tjerë, dy prej tyre punonjës bashkie.
Kryetari i degës së PD-së në Kukës, Atif Rexhmati ka qenë mjaft i ashpër me kryeministrin Edi Rama, ndërsa vendimin për punonjësit që u arrestuan dhe sot u lanë në arrest shtëpie e cilësoi haptazi politik.
"Kriminelët lihen jashtë dhe punonjësit e anëtarët e PD-së futen brenda. Sot ishte dënimi me arrest shtëpie, një hap më shumë që Rama në ikje e sipër po përdor të gjitha metodat duke urdhëruar prokurorinë të japë pretenca pa asnjë provë.
Është haptazi vendim politik, avokati do e ankimojë. I bëjmë thirrje policisë, strukturave që e duan shtetin të mos bëhen vegël e Edi Ramës, të mos lejojnë të mbajnë akoma të gjallë një kufomë tashmë të vdekur, e cila do të varroset përfundimisht javën para se të shkojë në datë 30 qershor" deklaroi ai.
Gjykata e Kukësit ka pranuar kërkesën e prokurorisë duke lënë në arrest shtëpie katër të arrestuarit. Ahmet Cahani 46 vjeç, shofer ne Bashkine e Kukesit, Ermal Haziri 42 vjeç, shofer ne Bashkine e Kukesit, Ersi Biçaku 26 vjeç, inspektor i policisë Bashkiake dhe Ervin Meshi, 35 vjeç, militant i PD-së tani do të hetohen në masën e sigurisë arrest shtëpie pas sulmeve mbi KZAZ-në.
Në orën 10:00 kanë mbërritur në ambientet e gjykatës së Kukësit katër personat e arrestuar, mes tyre tre punonjës të bashkisë dhe një militant opozitar. Jashtë gjykatës ndodhen familjarët e të arrestuarve që nuk i kanë ndaluar thirrjet 'Rama ik', ndërsa edhe militantët e PD-së me në krye kryebashkiakun Bashkim Shehu janë në mbështetje të të arrestuarve. Në momentin që të arrestuarit zbritën nga makina e policisë për të hyrë në gjykatë, militantët e opozitës dëgjohen duke u dhënë mbështetje 'mos e vrisni mendjen, do të dilni'.
Kryetari i Bashkisë Kukes Bashkim Shehu, ka reaguar për arrestimin e qytetareve dhe punonjësve të Bashkise, që sot kane dale para gjykates. "Orë pas ore kryeministri Rama po shton presionin e paligjshmërisë që nxit qytetarët për reagime të forta në Kukës. Me çdo kusht kërkon ta damkosë Kukësin, pasi kuksianët i janë bërë pengesë dhunës e antishtetit të tij.
Në territorin e Bashkisë Kukes janë arrestuar nga policia Ersi Biçaku polic bashkiak, Ahmet Cahani dhe Ermal Haziri shoferë sherbimesh, Lulëzim Shehu punëtor gjelbërimi, Ervin Meshi banor i Kukësit.
Qeveria nuk duhet të ndërsejë as policinë e as organet e drejtësisë kundër kuksianëve, pasi qeveria ikën e ndërrohet shpejt një ditë, por kuksianët do të mbeten këtu ku janë, qofshin protestues, qofshin policë, gjyqtarë apo prokurorë. Nëse qeveria mendon ta djegë me gaz e napal vendin dhe të ngrohë duart e saj në atë flakë, sigurisht që në Kukës ajo do të digjet në zjarrin që po ndez vetë.
Kukësin mjaft e kanë djegë qeveritë e huaja, nuk e toleron të digjet nga qeveria shqiptare. Sa ishte në fuqi Dekreti i Presidentit, Bashkia Kukës po bashkëpunonte korrekt me qeverinë dhe institucionet e saj për zgjedhjet. Tani që nuk ka datë zgjedhjesh, të cilën e cakton vetëm Presidenti në bazë të Kushtetutës, Bashkia e Kukësit nuk mundet të bëjë shkelje ligjore e të përfshihet në një proces zgjedhor të paligjshëm dhe nul.
Në Shqipërinë pluraliste pushtetet janë të ndara dhe Bashkia e Kukësit nuk bëhet dot palë me qeverinë Rama që synon ta fshijë e ta zhbëje pushtetin kushtetues të Presidentit të vendit, i cili është i vetmi institucion që Kushtetuta i jep tagrin të caktojë daten e zgjedhjeve.
Në zbatim të Dekretit presidencial, Bashkia e Kukësit nuk mund të lejojë që të ketë votime të paligjshme si në kohën e diktaturës kur votohej 99/99 %, por nuk kishte zgjedhje se nuk kishte rivalë. Dekretet e Presidentit të cilat ne i zbatojmë, nuk janë lënë të gjykohen nga qeveria e as nga institucione periferike të saj.
Dekreti i Presidentit që thotë se nuk ka zgjedhje me datën 30 qershor 2019 do të zbatohet rigorozisht nga Bashkia Kukës, në gjithë territorin e Bashkisë dhe jo vetëm në objektet në pronësi të Bashkisë.
Nëse qeveria ka ndonjë paqartësi për këtë, ta cojë ceshtjen në Gjykatë Kushtetuese, pasi qeveria dhe asnjë institucion vartës i saj nuk është Gjykatë Kushtetuese" shkruan ai.
Komente
Ti h Rakin Bossit.
PërgjigjuPerpara ligjit Jane te barabarte te gjithe. Sa kam qesh kur thote "Rama ne ikje e siper"
PërgjigjuSiu duka ky kryetari i PDse sikur ka dalur nga vorri,bjeri vehtes mdrapa se dukesh shum i lodhur mor bur.
PërgjigjuMos u merzitni se pas deshtimi te zgjedhjeve te 30 qershorit FILLON protesta me e forte per lerimin e protestuesve
PërgjigjuTe dhjeret e dhici qe drejton rrethin e kukesit do ndalojne zgjedhjet.hahahahahaaaa.
PërgjigjuPo normal qe do lirohen se borderon ja paguan PD gjat punes dhe gjat dhunes jan me dy bordero dhe gjykatat po keshtu
Përgjigju