POP 5

Lajmet më të lexuara të 5 minutave të fundit

Politikë

Sulmet nga bashkitë e djathta/ KQZ zhvendos në hotel KZAZ-në e Kukësit

Komisioni Qendror i Zgjedhjeve është detyruar të aplikojë një strategji të re pas sulmeve të KZAZ-ve në bashkitë e djathta nga zyrtarë të qeverisjes vendore, policia bashkiake dhe militantët e PD dhe LSI. Pas përplasjeve që ndodhën në KZAZ-të në pronësi të Bashkive, KQZ ka marrë vendimin për t'i transferuar ato në ambiente private. Qendra e votimit do të menaxhohet nga qeveria. KQZ shtyn vendimin për grupet e numërimit

Komisioni Qendror i Zgjedhjeve është detyruar të aplikojë një strategji të re pas sulmeve të KZAZ-ve në bashkitë e djathta nga zyrtarë të qeverisjes vendore, policia bashkiake dhe militantët e PD dhe LSI.

Pas përplasjeve që ndodhën në KZAZ-të në pronësi të Bashkive, KQZ ka marrë vendimin për t'i transferuar ato në ambiente private. Në mbledhjen e sotme, Komisioni Qendron i Zgjedhjeve miratoi me 4 vota"pro" dhe vetëm kryetari Zguri "kundër" kalimin e KZAZ-së nr.11 në Kukës nga palestra e shkollës në një hotel.

Kjo është një masë e marrë nga mazhoranca, e cila qëndron  e vendosur për të shkuar në zgjedhjet e 30 qershorit, nisur nga sulmet në disa prej KZAZ-vë më të rëndësishme në vend, ku "zonat e nxehta" ka qenë Shkodra, Tropojës, Burreli, Kamza, dhe Kukësi. Një lajm i tillë është paralajmëruar më herët nga zv.ministrja e Brendshme, Rovena Voda, e cila e ftuar në studion e Report TV, tha se kjo nuk është tërheqje, por një strategji e fortë e Policisë së Shtetit për të mos pasur viktima.

Kodi zgjedhor, në nenin 95, pika 1 përcakton se për numërimin e votave, 10 ditë para ditës së votimit të caktohen grupet e numërimit, por KQZ vendosi që këtë çështje ta shtyjë për mbledhjen e radhës ndonëse kanë mbetur rreth një javë kohë nga 30 qershori, datë e dekretuar më herët nga presidenti Meta për zhvillimin e zgjedhjeve lokale.

Në një situatë normale zgjedhore do duheshin 4 anëtarë për grupet e numërimit, 2 nga PD dhe 2 nga PS,  por projektvendimi i KQZ-së parashikon se për zgjedhjet e 30 qershorit do jenë tre anëtarë, dy të propozuar nga Partia Socialiste dhe një anëtar do të përzgjidhet nga KZAZ me short.

B.K.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kickbox/ Skandal në Malin e Zi, arbitri godet me trofe në fytyrë trajnerin kosovar (Video)

Kickbox/ Skandal në Malin e Zi, arbitri godet me trofe në fytyrë trajnerin kosovar (Video)

24 Nëntor, 11:43