LONDËR - Sunderland ka regjistruar një fitore të madhe në udhëtim, duke mposhtur Chelsean me përmbysje 1-2 në kuadër të javës së nëntë të Premier League.

Edhe pse “Blutë” e Londrës dominuan dhe krijuan më shumë raste, efikasiteti i Sunderlandit bëri diferencën. Takimi nisi vrullshëm dhe që në minutën e katërt Alejandro Garnacho kaloi Chelsean në epërsi pas një kombinimi të bukur me Pedro Neton.

Reagimi i miqve erdhi shpejt dhe në minutën e 22-të Uilson Isidor përfitoi nga një kundërsulm i shpejtë dhe barazoi rezultatin në 1-1.

Në pjesën e dytë ritmi ra ndjeshëm, me pak raste të rrezikshme nga të dyja skuadrat. Chelsea tentoi me Joao Pedron dhe Garnachon, por pa sukses në finalizim. Kur gjithçka dukej e mbyllur, Chemsdine Talbi ‘shpërtheu’ në minutat shtesë (90+3’), duke realizuar një supergol pas asistimit të Brobbey që vulosi fitoren e madhe të Sunderlandit, që kishte në fushë titullar Granit Xhakën.

Me këtë triumf, Sunderland ngjitet në pozitën e dytë të Premier League me 17 pikë, ndërsa Chelsea bie në vendin e shtatë me 14 pikë, duke humbur terren në garën për kreun.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Arbeni: 26/10/2025 10:53

    Bravo Granitit !I uroj suksese më të mëdha me Sunderland !

    Përgjigju
  • Sondazhi i ditës: 7 Janar, 22:17

    Si e menaxhoi qeveria situatën e përmbytjeve?

Lajme të tjera