Receta

Supë elbi me speca, një pjatë e thjeshtë por e rafinuar nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09 : 00 – 10 : 00.

Redaksia 7 Shkurt 2023, 11:13 | Përditesimi: 7 Shkurt 2023, 11:14

Supë elbi me speca, një pjatë e thjeshtë por e rafinuar

Përbërësit:

240 gr elb
2 speca të kuq
½ qepë të thatë
Trumzë
Kaperi
Lëng perimesh sipas shijes
Vaj ulliri ekstra i virgjër
Kripë, piper i zi
Gjalpë për shije

Përgatitja:

LEXO EDHE:
Pulë me oriz në furrë nga zonja Albana

Në një tenxhere ngrohim pak vaj ulliri, më pas shtojmë qepën e prerë në shirita dhe e skuqim për disa minuta në zjarr të fortë. Presim specat (pasi kemi larguar farat) në kubikë dhe i shtojmë në tenxhere. I rregullojmë me kripë dhe piper dhe i skuqim për 4-5 minuta në zjarr të fortë. Shtojmë pak buljon (lëng perimesh) dhe i gatuajmë derisa të zbuten. Fikim zjarrin dhe e kalojmë masën në blender, i përziejmë dhe kujdesemi që salca të ruajë ngrohtësinë.

Elbin e shpëlajmë në ujë, e thajmë dhe e vendosim në një tenxhere të nxehtë, e skuqim për disa minuta, më pas hedhim sipër lëngun e perimeve dhe salcën krem të specave. E gatuajmë si një rizoto, duke shtuar herë pas here lëng perimesh. Në fund të gatimit, shtojmë 1 lugë gjalpë. Rregullojmë shijen me kripë dhe piper dhe e shërbejmë me pak kaperi sipër.

MC/Shqiptarja.com

TAG: