Receta

Supë me brokoli nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09 : 00 – 10 : 00.

Redaksia 18 Nëntor 2022, 11:10 | Përditesimi: 18 Nëntor 2022, 11:11

Supë me brokoli

Përbërësit:

1 fileto pule
3 patate të vogla
1 brokoli
1 karrotë
1 qepë e thatë
1 limon
1 vezë
1 kupë djathë i fortë
Vaj ulliri
Kripë, piper, koper

Përgatitja:

LEXO EDHE:
Pulë me oriz në furrë nga zonja Albana

Qepën dhe karrotën e grijmë imët, ndërsa patatet i presim në kubikë mesatar. Kaurdisim me vaj ulliri fillimisht qepën dhe më pas shtojmë karrotën dhe patatet. Në një tenxhere kemi zjerë mishin e pulës, buljonin e përftuar e shtojmë tek perimet. Mishin e copëtojmë në fije e shtojmë në supë së bashku me brokolin të ndarë në lule. E lëmë supën të ziejë dhe për 8 minuta duke rregulluar shijen me kripë dhe piper të zi. Rrahim vezën me lëngun e limonit dhe e shtojmë në supë. E trazojmë për 2 minuta dhe e servirim supën të ngrohtë spërkatur me koper dhe djathë të grirë kaçkavall.