Supë me fileto pule dhe bizele nga zonja Albana

Supë me fileto pule dhe bizele

Përbërësit:

2 gjokse pule të vogla

1 fç ujë

4 fç lëng mishi

2 lgj vaj ulliri

1 lgj qepë e grirë

1 lç hudhër

1 lç kripë

1 tufë koper

1 fç bizele

1 fç karrota

3 fç qumësht

1/2 fç miell

Piper i zi

Përgatitja:

Fillimisht përgatisim buljonin dhe e vendosim në një tenxhere. Sapo të ngrohet shtojmë qepën e grirë imët së bashku me hudhrën. Pasi buljoni të marrë valë vendosim mishin e pulës të prerë në kubikë të vegjël. Vendosim kapakun dhe e lemë mishin të ziejë. Ndërkohë presim karrotën në kubikë të vegjël dhe e shtojmë në tenxhere, pas 5 minutave shtojmë bizelet dhe 1/2 e tufës së koperës. Ndërkohë tresim miellin në qumësht dhe e shtojmë tek supa. Rregullojmë shijen me kripë dhe piper dhe para se t'a servirim shtojmë pjesën tjetër të koperës.

MC/Shqiptarja.com

TAG:
• supe
• recete
• zonjaalbana