'Super Hëna', fenomeni më i rrallë i vitit do të shfaqet më 19 shkurt

Hëna më spektakolare e vitit 2019 do të shfaqet këtë të martë në datë 19 shkurt.  Ajo do të shfaqet në qiell shumë më e ndritshme se zakonisht. Ky fenomen do të jetë akoma më i veçantë edhe për faktin se hëna e plotë do të jetë në orbitën e saj më të afërt nga Toka.

Astrofizikanti Gianluca Mas thotë se kjo është një ngjarje e veçantë që nuk duhet humbur.

Largësia e saj nga Toka më datë 19 shkurt përllogaritet të jetë 356,761 kilometra. Ndërkohë që edhe përmasat e saj do të jenë më të mëdha krahasuar me përmasat mesatare.

Hëna më 19 shkurt do të duket 7% më e madhe dhe do të ndriçojë 30% më shumë.

Gianluca Mas shpjegon se ky do të jetë fenomeni i dytë superhënor për vitin 2019 pas atij që përkoi me eklipsin e ndodhur në mes datave 20 dhe 21 Janar.

Ky fenomen i mahnitshëm natyror do të pasohet nga fenomene të tjera astronomike në muajt në vijim.

Një tjetër eklips i Hënës, pjesërisht i dukshëm në Shqipëri, do të ndodhë në 15 korrik të këtij viti si dhe në vitin 2022 (pjesërisht).

Në 11 Nëntor 2019 do të ndodh transiti i Mërkurit përpara Diellit, planeti më i afërt pranë Diellit. Ky fenomen i rrallë ndodhi për herë të fundit para 3 vitesh dhe mund të shihet vetëm me pajisje të posaçme teksa planeti Mërkur do të duket si një pikë e vogël e zezë që kalon para Diellit.(lexo ketu)

TAG:
• superhena