Superliga shqiptare e futbollit zhvilloi këtë të diel dy ndeshjet e mbetura për raundin e 25-të. Me fillim nga ora 13:30 Laçi mposhti 3-0 Teutën, ndërsa në orën 16:30 në "Elbasan Arena" Tirana iu fal një penalltie dhe kaloi 1-0 Skënderbeun, duke lënë korçarët në vendin e fundit.
Në stadiumin e Laçit vendasit u treguan të "pamëshirshëm" dhe mposhtën Teutën 3-0. Paulo Junior në pjesën e parë dhe dopieta e Cordeiro bëri që kurbinasit të ngjiten në vendin e pestë me 30 pikë. Nga ana tjetër, për Teutën kjo është humbja e 11-të sezonale dhe ka gjashtë ndeshje që nuk merr pikët e plota në Superligë. Për të gjetur suksesin e fundit të durrsakëve duhet të kthehemi më 22 dhjetor 2024. Edhe pse "Djemtë e Detit" ndryshuan trajner, ende Bledar Devolli nuk e ka shijuar suksesin në stolin durrsak.
Në "Elbasan Arena" Tirana u rikthye te fitorja pas dy barazimeve radhazi dhe këtë e bëri duke mposhtur 1-0 Skënderbeun. Ishte minuta e 85-të kur Vogli, i futur në fushë gjashtë minuta më herët fitoi një penallti e cila u kthye në gol nga Bajrovic. Festë bardheblu në stadium dhe korçarët e Ernest Gjokës 'në tapet'. Tirana me 26 pikë lë zonën e ftohtë dhe merr vendin e shtatë, ndërsa korçarët mbeten në pozitën e fundit me 20 pikë dhe në pesë ndeshjet e fundit kanë siguruar vetëm një fitore, një barazim dhe tre humbje.
Pas mbylljes së javës së 25-të renditja kryesohet nga Egnatia me 48 pikë, ndjekur nga Vllaznia me 44 pikë, Dinamo me 41 dhe Partizani me 40 pikë. Në fund Bylis, Teuta dhe Skënderbeu.
Superliga, raundi 25-të:
E shtunë, 15 shkurt 2025
13:30
Bylis 1-1 AF Elbasani
Egnatia 2-0 Partizani
16:30 Dinamo 0-0 Vllaznia
E diel, 16 shkurt 2025
13:30 Laçi 3-0 Teuta
16:30 Tirana 1-0 Skënderbeu
Renditja:
Superliga mbylli raundin e 25-të dhe tanimë klubet do bëjnë analizat përkatëse të ndeshjeve për t'u përmirësuar dhe studiuar rivalët e javës pasardhëse.
Të premten e 21 shkurtit nis raundi i 26-të në dy orare të ndryshme.Në orën 15:00 luhet Dinamo - Laçi, teksa në 18:00 Partizani - Bylis dhe Vllaznia - AF Elbasani.
Të shtunën në orën 17:00 zhvillohen Teuta - Tirana dhe Skënderbeu - Egnatia.
Superliga, java 26-të:
21 shkurt 2025
15:00 Dinamo - Laçi
18:00 Partizani - Bylis
18:00 Vllaznia - AF Elbasani
22 shkurt 2025
17:00 Teuta - Tirana
17:00 Skënderbeu - Egnatia
Komente
Lajme të tjera
-
Sot luhet derbi Dinamo - Partizani, Daja: Jemi të barabartë! Abilaliaj: Duam tri pikët
27 Mars, 12:00 -
Tirana dhe Bylis barazojnë 2-2, miqtë protestojnë për gjykimin dhe tërheqin ekipin! Tifozët bardheblu kërkojnë të futen në fushë
27 Mars, 08:40 -
Vllaznia udhëton në fushën e kryesuesve, Brdaric: Egnatia ndër ekipet më të mira, duam tri pikët
26 Mars, 14:27 -
'S'i kam bërë llogaritë për mbijetesën', Bledi Shkëmbi: Tirana e ka të vështirë kundër Bylisit
26 Mars, 14:04 -
Superliga/ Sot Tirana - Bylis për mbijetesën, agjenda e raundit të 31-të! Ndeshjet në dy ditë
26 Mars, 11:32 -
Vetëvrasja e Donald Grekut në bllokun e sigurisë reagon Komiteti i Helsinkit: Mjeku i bllokut të sigurisë i dha Xanax për herë të dytë pa u konsultuar me toksikologun
26 Mars, 09:21 -
KF Tirana i mbetet Refik Halilit, Gjykata e Lartë anulon shitjen e klubit
26 Mars, 09:05 -
Luhet derbi Tirana - Partizani, mësohet agjenda e Superligës për tre javët e ardhshme
25 Mars, 12:02 -
Ilir Meta mesazh nga qelia: Tirana të më votojë mua më 11 maj
24 Mars, 21:13 -
Laç/ Aksident te mbikalimi i Patokut, 3 persona plagosen dhe përfundojnë në spital pas përplasjes së dy makinave
17 Mars, 15:49 -
Java e 30 e Superligës, 4 barazime në 5 ndeshje! 3 pikët në Shkodër, trajneri i Skënderbeut: Fitore e madhe
17 Mars, 12:02 -
Renditja/ 'Shterpësi' në Superligë, AF Elbasani 1-1 Dinamo! Partizani 'ngec' në shtëpi, Laçi bën për spital trajnerin
16 Mars, 20:41
